Ayat-ayat Alkitab Ternama dari Ekistos 15

Bagikan

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Ewe Samol mi Laplap ai pöchökül me ai köl, i a amanauaei. I ai Kot, üpwe mwareiti, i än semelapei we Kot, üpwe alinga.

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Lon om tong ellet ka emweni ekewe aramas ka amanaueer, ka emwenirela ren om pöchökül ngeni leniom mi pin.

Nge lupwen ra tori Mara, resap tongeni ün kolukun Mara, pun a maras. Iei mine ewe leni a iteni Mara . Iwe, ekewe aramas ra lal ngeni Moses o üreni, “Met aipwe ünümi?” Mürin, Moses a kökköri ewe Samol mi Lapalap, nge ewe Samol mi Lapalap a aiti ngeni efoch irä. Iwe, a aturalong ewe irä lon ewe koluk, mürin ewe koluk a öchün ün. Ikenan ewe Samol mi Lapalap a ngeniir an allük me pwüüng pwe repwe apwönüretä. Ikenan a sotuniir