Ayat-ayat Alkitab Ternama dari 1. Petrus 2

Bagikan

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül. Pun me lom oua wewe ngeni sip kana mi mwalechela, nge ikenai oua liwinsefäl ngeni ewe Chon Fol me Chon Masa ngünümi.

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.

Oupwe usun chök ekewe mönükol mi upufö, fansoun meinisin oupwe fokun moneti ewe chönün oup mi wewe ngeni Kapasen Kot, esap nofit ngeni och, pwe ren ämi ün oupwe mämäritä o küna manau.

Ämi chiechiei mi achengicheng, üa tüngormau ngenikemi usun ämi chon ekis me choisä won ei fanüfan, ousap apwönüetä ekewe mochenian fituk mi fiu ngeni ngünümi. Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.

Iei mine oupwe pöütala sokun föför mi ngau meinisin. Ousap chüen eäni kapas chofona, ika angangen atuputup, ika lolowo, ika eäni kapasen turunufas.

Oupwe feito ren ach we Samol, i ewe fau mi manau, aramas ra pöütala, pun resap aücheani, nge a fil o aüchea me ren Kot.

Oupwe manau usun aramas mi ngas, nge ousap aea ämi ngas le pwölüela ämi föför mi ngau, pwe oupwe manau usun nöün Kot chon angang.

Pun iei letipen Kot, pwe ren ämi föföröch oupwe aükätiu än ekewe chon tiparoch kapasen miritimang.