Ayat-ayat Alkitab Ternama dari 1. Korint 12

Bagikan

Ewe Ngünmifel a pwäla lon sokopaten lapalap lon manauen eman me eman leich, pwe epwe wor ach feiöch meinisin.

Ämi meinisin inisin Kraist, nge eman me eman leimi kifetin.

Are eu kifet a riaföü, ekewe lusun kifet meinisin ra eti le riaföü, nge are eu kifet a iteüöch, ekewe lusun kifet meinisin ra eti lon an pwapwa.

Ewe Ngün a lifang ngeni eman aramas an epwe afalafala ewe kapas fän tipachem, pwal ewe chök Ngün a lifang ngeni eman an epwe afalafala ewe kapas fän silelap. Ewe chök Ngün a lifang ngeni eman an epwe wor an lükülük, nge ngeni pwal eman a lifang ewe tufich an epwe apöchöküla aramas. Ewe Ngün a lifang ngeni eman aramas ewe tufich an epwe föri manaman, a pwal lifang ngeni eman ewe tufich an epwe afalafala än Kot kapas, nge pwal ngeni eman an epwe tufichin alefila lefilen ekewe lifang mi pop seni ewe Ngünmifel me ekewe lifang resap pop seni. Ngeni eman aramas a lifang ngeni tufichin an epwe fos lon kapasen ekis, nge ngeni pwal eman a lifang ewe tufichin an epwe awewei met eman a apasa.

Nge ewe eman chök Ngün a föri ekei mettoch meinisin, a ngeni eman me eman aramas ekewe sokopaten lifang usun an mochen.

Iei mine esap wor kinikinfesen lon ewe inis, nge ekewe sokopaten kifet meinisin repwe chüngüfengeniir lefiler.

Mi wor sokopaten lifangen ngün, nge eman chök Ngün a fangeto. Mi wor sokopaten angang, nge kich meinisin sia angang ngeni eman chök Samol. Mi wor sokopaten tufich ach sipwe föri angang, nge ewe eman chök Kot a ngeni aramas meinisin ewe tufich fänäsengesin en me an angang.

Iwe, Kot a awiser meinisin lon en me lenian lon imwenfel: Akomwan ekewe soukünö, aruan ekewe soufos, nge aülüngatin ekewe sense. Mürin chokewe mi föri manaman, pwal chokewe mi wor ar tufichin apöchöküla aramas, chokewe mi alisi aramas, chokewe ir souemwen, pwal chokewe mi fos lon kapasen ekis.

Pun inisich esap fis ren eu chök kifet, nge a fis ren chomong kifet.

Nge a fokun lomot ngenikich ekewe kifetin inisich usun nge sia ekieki pwe itä ra apwangapwang.

Are unusen eu inis epwe chök eföü mas, epwe ifa usun an epwe tongeni rongorong? Nge are epwe chök eu seling, epwe ifa usun an epwe tongeni tini och? Iei usun Kot a anomu ekewe sokopaten kifet won inisich usun met mochenin letipan. Esap wor eu inis are unusan meinisin epwe eu chök kifet!