Ayat-ayat Alkitab Ternama dari Yaaya 4

Bagikan

Mella ay Ruuhane, o gu giimi ma aabaddaa pa kulla, aŋka gu aabidiyya ma gaayo ta Ruuhanti o ma seeniti.»

Wikinne soopa asaa, o ga ase paaɗe haŋka, maa gu giimi asiyya aabida Mella Baaba ma gaayo ta Ruuhanti o ma seeniti, asan ga Mella aŋka giimi ma aabaddaa pe goŋŋa aɗe.

Gimu soopa ma ar̰aa ammi maa ga naa beree, gu ibini deewa ɗa payya ta kaw, asan gu ammi maa na beree deewee ammi ma sorotta diiman o gu beree hayaatane ma gakamma ɗa ta kaw.»

Gaa Iisa tiilitti gaa: «Ka ibinca ɗa birawti Mellayi, o gimu keeke ma enaate ammi ku aar̰iti. Ka ebenɗiya ampane kee, ay kaŋ pe soo ma enaa, gaa biritte ammi ma beraayo hayaatane oko giimo.»

Gaa Iisa beneyyiyyoo payya gaa: «Tiyawtu, ay na leeɗiy gaari maa ga ma n̰akamminoo aŋka, o na gaamiyya lubbi maa ga berewwiyaw.

Gii daate beneyyiyyee gee: «Miiɗi keeke, ki lekka ɗa rambaaye ka cimmiti ammo, o beenu siƴƴa. Ki gasakkay taŋaa ammi kotti ma beraayo hayaatane oko giimo?

Gii daate beneyyiyyee gee: «Na lekka kabarre kadar ga Masi, gata maa ga Mella aparre, akka asa, ga asinniigu gaara gaartee Mellayi paracco.» Gaa Iisa tiilitti gaa: «Ay naata keeke appe ma beneyyate ay Masi.»

«Asoŋ ƴa ku asiyya ella gimu kinne ma gaarawgu gaartaw paracco maa na leelo! Walaŋ pe ga deewa Masi?»