Ayat-ayat Alkitab Ternama dari Abharuumi 4

Kora tiyaabhaayë na entarëki yoyonswe eera hë, ku-riraghano riyö Waryobha yaamoraghaini. Kasi keno yaakörrë, nu-kumukumya na ökömötöönia, ko bhoora yaarë na obhoheene igha, Waryobha naana obhotoro ubhwa okokora ghaara yaamoraghaini igha akaamökörëëyë.

Amangʼana ghayö, n-kya bhono Amaandeko Amahörëëru ghakoghamba igha, “Nkötöörrë-ho, obhe ömökörö uwa abhantö abha ibhyaro ibhyaru.” Ku bhuyö ni-igha, hano waanyöörrë Ibhurahimu arëngë mbere iya Waryobha, yaaighuurë amangʼana ghayö Waryobha yaaraghaini. Akakumya Waryobha ono akohaana öbhöhöru abhantö bhano bhaakwa. Uyö we akoghamba, ëbhëntö bheno bhetaaho, bhebhaho.

Waryobha yaarëëtirë Yëësu okore akwe, ko okoghera iya ëbhëbhë ibhyëtö. Akamuryökya, okore tobharwe igha, m-ba heene törë.

Hano Ibhurahimu yaatëëbhiibhwi amangʼana ghayö, ghakamokongʼera. Nokaanyoora ghaamököngʼëëyë, kasi akaghëndërrya ukukumya Waryobha, araitengʼera igha, nakaamökörrë abhe ömökörö uwa abhantö abha ibhyaro ibhyaru. Okanyoora Waryobha amötëëbhëri igha, “Urwebhoro urwaho ndorebha urwaru kya sinyota.”

Kiyö nkyo kekoghera riraghano irya Waryobha reraitengʼera örööbhö urwaye, na ukumukumya ibhyene igho. Ko okoghera iya engʼana iyö, ghonswe igho ghaara Waryobha yaaraghaini abhantö abha Ibhurahimu bhonswe igho, n-ga bhoheene. Ensonga iyaamo ni-igha, tekobha igha nko-bhaghööti abha amaraghërryö abheene igho hë, kasi nko-bhonswe igho bhano bhakukumya Waryobha kya bhono Ibhurahimu yaamukumiri. Ibhurahimu we taata uwëëtö bhonswe igho bhano tukukumya Waryobha.

“Nyakara abhantö bhano Waryobha yaabhera obhosarya ubhwabho, na okobharuusirya-ho ëbhëbhë ibhyabho. Ömöntö ono Omonene Waryobha atakobharra ëbhëbhë ibhyaye, uyö yaangʼoorwa.”

Amaandeko Amahörëëru gharaghamba igha, “Ibhurahimu yaakumiri Waryobha, kiyö nkyo kyaaghërrë Waryobha akamobhara igha wa heene.”