Ayat-ayat Alkitab Ternama dari Séfanya 3

Bagikan

GUSTI, Gusti Allahmu ing tengahmu, bakal ngadek dadi Pahlawan sing ngekèki kemenangan; banget senengé ing ati-Né awit sangka kowé. Panjenengané nganyaraké kowé awit kawelasané, karo surak-surak enggoné pada bungah awit kowé

Ing waktu kuwi kowé bakal Tak tuntun mulih, ya Tak klumpukké lan Tak dadèkké kesuwur lan lem-leman ing sak tengahé sak kabèhé bangsa ing sak lumahé bumi, lan kahananmu bakal Tak balèkké ing ngarepé wong-wong kuwi,” mengkono tembungé GUSTI.

GUSTI wis nyingkirké paukuman marang kowé, wis ngentèkké mungsuhmu. Ratuné Israèl, ya kuwi GUSTI, kuwi ing tengahmu, kowé ora bakal wedi marang kasangsaran menèh.

Lan ing waktu kuwi Aku bakal tandang marang wong kabèh sing wis nindes kowé; nanging nylametaké sing pada pintyang, lan nglumpukké sing pada pating slebar, lan sak pira sing kewirangan bakal Tak dadèkké lem-leman lan kesuwur ing sak lumahé bumi.