Ayat-ayat Alkitab Ternama dari Matius 3

Bagikan

Yèn mengkono pada kétoké penggawému sing sembada karo mertobatmu.

Terus ana swara sangka swarga, sing ngomong: “Iki Putra-Ku, sing Tak trésnani, sing ndadèkké senengé ati-Ku.”

Sakwisé dibaptis, Yésus terus mentas sangka banyu, lah ing kono langit terus mbiyak lan Panjenengané weruh Rohé Gusti Allah medun kaya manuk dara, mentylok ing Panjenengané.

Aku iki mbaptisi kowé kabèh nganggo banyu supaya dadi tanda mratobatmu, nanging sing bakal teka sakwisé aku, kuwi luwih kwasa tenimbang aku lan nyopot sepatuné waé aku ora pantes. Panjenengané bakal mbaptisi kowé karo Roh Sutyi lan geni.

Kampak wis tyumawis ing poké wit-witan; saben wit sing ora ngetokké woh sing betyik, mesti ditegor lan diobong ing geni.

Sak temené ya Yohanes iki sing diomongké karo nabi Yésaya, mengkéné: “Ana swara sing mbengok-mbengok ing ara-ara samun: Pada tyawiské dalané Gusti, dalan-dalan kanggo Panjenengané pada lentyengna.”