Ayat-ayat Alkitab Ternama dari Para Rasul 1

Bagikan

Nanging kowé bakal pada nampa pangwasa, yèn Roh Sutyi wis medun ing kowé kabèh, lan kowé bakal pada dadi seksi-seksi-Ku ing Yérusalèm lan ing Yudéa lan Samaria kabèh, lan tekan ing pungkasané bumi.”

Yésus nyauri: “Kowé ora perlu weruh kapan lan wantyiné, sing ditentokké karo Bapak piyambak, miturut pangwasané.

Ing sakwijiné dina nalika Yésus mangan bebarengan karo para rasul, pada ora dililani ninggal Yérusalèm, lan pada dipréntahké tetep ing kono, ngentèni janjiné Bapak, sing ngéné tembungé: “Kowé wis pada krungu sangka Aku. Yohanes kuwi enggoné mbaptis nganggo banyu, nanging ora suwé menèh kowé bakal pada dibaptis karo Roh Sutyi.”

Bareng wis rampung enggoné ngalami sangsara, Panjenengané terus ngétok marang para rasul kuwi, lan karo tanda okèh ngekèki bukti, yèn Panjenengané urip. Awit nganti patang puluh dina suwéné enggoné bola-bali ngétok lan ngekèki tembung bab Kratoné Gusti Allah marang para rasul kuwi.

Sakwisé ngomong mengkono, Panjenengané terus diangkat menyang swarga, diseksèni karo para rasul, terus wis ora kétok, awit kaling-kalingan mendung.

Nalika ijik pada ndangak menyang langit nyawang enggoné Panjenengané tekan kuwi, dadakan ana wong lanang loro ing sak tyedaké, pada nganggo jubah putih, lan terus ngomongi ngéné: “Hé, wong-wong Galiléa, kenèng apa kowé pada ngadek ndangak menyang langit? Yésus, sing diangkat menyang swarga, ninggalké kowé kabèh iki, bakal teka menèh karo tyara kaya sing pada kok deleng nalika Panjenengané munggah menyang swarga.”