Ayat-ayat Alkitab Ternama dari रोमी 8

Bagikan

हाम्हां का आसा ऐहा गल्‍लो थोघ कि ज़ुंण लोग परमेशरा संघै झ़ूरी करा, तिन्‍नां लै करा परमेशर सोभी गल्‍ला भलाई पैईदा, मतलब तिंयां ई ज़ुंण परमेशरै आप्पू लै आसा छ़ांटै दै।

किल्हैकि मुखा आसा थोघ कि नां मौत, नां ज़िन्दगी, नां स्वर्ग दूत, नां जमदूत, नां एभै, नां आगली ज़िन्दगीए फिकर, नां शगती, नां उछ़टी ज़ैगा, नां डुघी ज़ैगा, नां कोई होर संसार हाम्हां परमेशरे झ़ूरी का ज़ुदै करी सकदै, ज़ुंण म्हारै प्रभू ईशू मसीहा दी आसा।

ठीक इहअ ई करा पबित्र आत्मां म्हारी मज़त ज़ेभै म्हारअ परमेशरा दी विश्वास कमज़ोर हआ। हाम्हां का निं थोघै कि प्राथणां केऊ साबै करनी। पर पबित्र आत्मां का आसा थोघ अर सह करा आप्पै हाम्हां एही हिक्‍की-सल़िक्‍की प्राथणां कि तिंयां गल्‍ला खोज़णीं आसा मेरै बशा का बागै।

इना सोभी गल्‍लो नचोल़ निखल़ा इहअ कि, ज़ै परमेशर हाम्हां बाखा होए, तै निं हाम्हां का कोहै ज़िती सकदअ।

ऐबै ज़ुंण ईशू मसीहा दी विश्वास करा तिन्‍नां लै निं सज़ा हणीं। तिंयां निं देहीए साबै ज़िन्दगी काटदै पर तिंयां ज़िऊआ पबित्र आत्में साबै ज़िन्दगी।

देहीए पापी सभाबा दी मन्‍न लाणअ ता आसा मौत, पर आत्मां दी मन्‍न लाणअ आसा सदा लै ज़िन्दगी अर शांती।

पर इना सोभी डरैऊंणी गल्‍ला दी गऐ हाम्हैं तेऊ करै ज़िती ज़ुंण हाम्हां संघै झ़ूरी करा।

हुंह, समझ़ा इहअ कि ज़ुंण ईंयां दुख अर सांगट हाम्हैं एभै ज़िरा, ईंयां निं तेऊ प्रतप्पा सम्हनै किछ़ बी आथी ज़ुंण हाम्हां लै आजू आसा प्रगट हणैं आल़अ।

मसीहे झ़ूरी का निं हाम्हां कोहै ज़ुदै करी सकदअ। नां खरी, नां सांगट, नां उपद्रभ करनै आल़ै, च़ाऐ देशै नकाल़ होए, च़ाऐ हाम्हां का बान्हणां लै झिकल़ै निं होए, च़ाऐ हाम्हां लै खातरअ होए, च़ाऐ हाम्हां कुंण तलबारा करै काटे!

परमेशर ज़हा का सोभिए दिलो थोघ आसा तेऊ का हआ इहअ बी थोघ कि पबित्र आत्मां किज़ै बोला? किल्हैकि सह करा पबित्र मणछा लै परमेशरे मरज़ी दी हाम्हां लै अरज़।

तैही ज़ेतरै बी लोग परमेशरे आत्में साबै ज़िन्दगी काटा, तिंयां ई आसा परमेशरे लुआद।

किल्हैकि ज़ुंण मणछ देहीए पापी सभाबे बशै आसा सह सोठा पाप करनै आल़ी गल्‍ला, पर ज़ुंण पबित्र आत्में बशै रहा, सह सोठा तिन्‍नां गल्‍ला ज़ेता करै पबित्र आत्मां खुश हआ।

परमेशरे किई हाम्हां लै एही झींण कि ज़हा पूता संघै परमेशर सोभी का खास्सी झ़ूरी बी करा थिअ, सह बी दैनअ तेऊ हाम्हां सोभी बच़ाऊंणा लै, ज़ै परमेशर इहअ सका करी, तै सह होर सोभै गल्‍ला कै हाम्हां लै दैई निं सकदअ?

पबित्र आत्मां परखा ऐहा गल्‍ला आप्पै कि म्हारी आत्मां किज़ै बोला, कि हाम्हैं आसा परमेशरे लुआद। ज़ै हाम्हैं तेऊए लुआद आसा, तै हणैं हाम्हैं बरासते हकदार बी। इधी तैणीं कि परमेशरे बरासते हकदार अर मसीहे संघै बरासते हकदार। ज़ै हाम्हैं तिहै दुख ज़िरे ज़िहै ईशू दुख ज़िरै, तै हणैं हाम्हैं ईशू मसीहे प्रतप्पा दी बी साझ़ू।

किल्हैकि देहीए पापी सभाबा दी मन्‍न लाणअ आसा परमेशरा संघै ज़ीद डाहणीं किल्हैकि देहीओ पापी सभाब नां परमेशरे बधाने डरा हेठै आथी अर नां सह तेऊए बधाना मनी सकदअ।

किल्हैकि सारअ संसारा आसा आशा अर संसार आसा तैहा धैल़ी न्हैल़ी-भाल़ी लागी दी ज़ेभै परमेशरा अह गल्‍ल प्रगट करनी कि तेऊए असली लुआद कुंण आसा।

हाम्हां का आसा थोघ कि ज़धा ओर्ही पाप शुरू हुअ तधा ओर्ही आझ़ तैणीं आसा परमेशरै बणाईं दी सोभै गल्‍ला आसा एही दुख दाह दी धकदै लागै दै ज़ेही बेटल़ी सूंणें दाह लागा।