Ayat-ayat Alkitab Ternama dari रोमी 4

Bagikan

तेऊ निं परमेशरे तिन्‍नां गल्‍ला दी धख बी बैहम किअ ज़ेते परमेशरै करार किई ती। तेऊ किअ परमेशरा दी होर बी खास्सअ विश्वास अर तेऊ मनअ तेता लै परमेशरो शूकर। तेऊ समझ़अ इहअ ठीक कि ज़हा गल्‍ले तेऊ परमेशरै करार आसा किई दी, तेऊ का आसा तेता पूरी करना लै बी शगती।

ज़िहअ पबित्र शास्त्रा दी आसा लिखअ द, “परमेशरै बोलअ आबरामा लै, ‘मंऐं बणाअं तूह खास्सी ज़ातीओ दाद-बाब।’” परमेशरा का शुझिआ आबराम म्हारअ बाब। आबरामै किअ तेऊ परमेशरा दी विश्वास ज़ुंण मूंऐं दै ज़िऊंदै करा अर ज़ुंण गल्‍ला आथी ई निं तिन्‍नें लआ सह इहअ नाअं कि ज़ाणनअ तिंयां आसा।

परमेशरै दैनअ ईशू म्हारै पाप करनै पिछ़ू मणछे हाथै ढाकणैं अर मारनै अर मरी करै किअ सह परमेशरै भिई ज़िऊंदअ ताकि हाम्हैं परमेशरा संघै धर्मीं होए।

परमेशरै बोलअ आबरामा लै इहअ कि तेरी हणीं खास्सी आद-लुआद, पर आबरामै भाल़अ कि सह गअ त लुआद पैईदा करना लै प्रोढअ हई, किल्हैकि तेऊए अमर गई ती शौआ साले हई अर तेऊए लाल़ी सारा बी निं लुआद पैईदा करी सकदी ती। सोभै गल्‍ला ती तेऊ लै एही कि सह निं खास्सै शोहरूओ बाब बणी सकदअ पर तज़ी बी निं तेऊओ विश्वास घटअ। तेऊ डाहअ विश्वास अर तेऊ निं आशा छ़ाडी।

इहअ करै भेटा हाम्हां करार परमेशरा दी विश्वास करनै करै। अह आसा हाम्हां लै दान। अह आसा हाम्हां सोभी लै बी पाक्‍की, च़ाऐ हाम्हैं मोसा गूरे बधाने साबै काम करे या नां करे, पर ज़ै म्हारअ विश्वास आबरामा ज़िहअ होए। आबराम आसा तिन्‍नां सोभिओ बाब ज़ुंण विश्वास करा।

“तिन्‍नां लै आसा बर्गत, ज़सरै पाप माफ किऐ अर दोश दूर किऐ। तिन्‍नां मणछा लै आसा बर्गत, ज़हा लै परमेशरै पाप करनैओ दोश निं काढअ।”

पबित्र शास्त्र कै बोला, “आबरामै किअ परमेशरे गल्‍ला दी विश्वास, अर परमेशरै बणाअं सह आप्पू संघै धर्मीं।”