Ayat-ayat Alkitab Ternama dari रोमी 10

Bagikan

अह बैण आसा इहअ कि, ज़ै तम्हां मांझ़ै ज़ुंण बी सोभी नदरी ऐहा गल्‍ला मने अर इहअ विश्वास करे कि ईशू आसा प्रभू अर सह किअ परमेशरै मरी करै ज़िऊंदअ, परमेशरा करनअ तेरअ उद्धार।

हाम्हैं करा आपणैं मन्‍नैं विश्वास अर परमेशर बणाआं हाम्हां आप्पू संघै धर्मीं। ज़ुंण हाम्हैं विश्वास करा तेता बोला हाम्हैं आपणैं होठा का अर परमेशर करा म्हारअ उद्धार।

“विश्वास हआ समाद शूणीं अर समाद आसा मसीहे बारै बैण।”

किल्हैकि ईशायाह आसा पबित्र शास्त्रा दी मसीहे बारै इहअ लिखअ द, “ज़ुंण बी तेऊ दी विश्वास करे सह निं शर्मिंदअ हणअ।” परमेशर आसा सोभिओ मालक, सह निं यहूदी अर यूनानी दी किछ़ै भेद करदअ। सह शूणां सोभिए ज़ुंण तेऊओ नाअं लआ। किल्हैकि पबित्र शास्त्रा दी आसा इहअ लिखअ द, “ज़ुंण बी प्रभू का मज़त मांगे, सह जाणअ बच़ी।”

ज़ुंण मसीहे बारै तिन्‍नां का खोज़े तिंयां निं तेभै तैणीं किछ़ करी सकदै ज़ेभै तैणीं परमेशर तिन्‍नां आप्पै निं छ़ाडे। ज़ै कुंण विश्वासी प्रच़ार करे, अह हणीं शास्त्रा दी लिखी दी गल्‍ला ज़ेही, “तिन्‍नां लोगो एछणअ किअ भलअ हआ ज़ेभै तिंयां खुशीओ समाद खोज़ा।”

पर प्रभू का मज़त मांगणै का आजी आसा तिन्‍नां तेऊ दी विश्वास करने ज़रुरत। तिंयां तेऊ दी विश्वास करी सके तेता का आजी आसा तिन्‍नां तेऊए बारै शुणने ज़रुरत अर तिंयां प्रभूए बारै शूणीं सके तेता लै हुअ तिन्‍नां का कहा खोज़णअ ज़रूरी।

मसीहा हेरअ सह मकसद पूरअ करी ज़ेता लै बधान दैनअ त, एतो नतिज़अ निखल़अ इहअ कि ज़ुंणी बी तेऊ दी विश्वास किअ तिंयां बणाऐं धर्मीं।