Ayat-ayat Alkitab Ternama dari मार्कुस 2

Bagikan

इना गल्‍ला शूणीं बोलअ ईशू तिन्‍नां लै, “बैईद निं नरोगै मणछा सेटा एछदअ, पर रोगी मणछा सेटा लागा तेऊ ज़रूरी पुजणअ, हुंह निं धर्मीं लै आथी आअ द, पर हुंह आसा पापी शधाणूं आअ द।”

ईशू बोलअ तिन्‍नों विश्वास भाल़ी तेऊ दरंगे मरीज़ा लै, “शोहरूआ, तेरै पाप हुऐ माफ।”

तेखअ बोलअ ईशू तिन्‍नां लै, “बशैघो धैल़अ आसा मणछा लै बणाअं द, मणछ निं बशैघे धैल़ै लै आथी।

तिधी दुआरा सेटा तै खास्सै मणछ झाल़्हुऐ दै। तिहअ करै निं तिंयां ईशू सेटा पुजी सकै। तिन्‍नैं पेच़अ तेऊ घअरो छ़ाप्पर तैहा सिधा ज़ेथ हेठै ईशू त बेठअ द। ज़ेथ सह दरंगो रोगी थिअ सताऊअ द, सह बछ़ाऊणअ छ़ड़ाऊअ तिन्‍नैं छ़ाप्परा बाती च़ऊ कूणैं राश्शी बान्हीं उंधै ईशूए मुंहां सेटा लै।

ज़िहअ करै तम्हां का थोघ लागे कि मुंह मणछे पूता लै आसा पृथूई दी पाप माफ करनैओ हक।” तेखअ बोलअ ईशू तेऊ दरंगे मरीज़ा लै, “हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।”

“सान किज़ै आसा? एऊ दरंगे मरीज़ा लै इहअ बोल़णअ कि तेरै पाप हुऐ माफ या इहअ बोल़णअ उझ़ू आपणैं बछ़ाऊणैं च़क अर हांढदअ-फिरदअ लाग?

सह मरीज़ उझ़ुअ तेभी सोभी नदरी खल़अ अर आपणैं बछ़ाऊणैं च़की डेऊअ सह आपणीं ज़ांघा हांढी घअरा लै। ऐहा गल्‍ला भाल़ी हुऐ सोभ लोग रहैन अर तिंयां लागै परमेशरे बड़ैई करदै कि हाम्हैं निं इहअ च़मत्कार आझ़ तैणीं कधि हेरअ।