Ayat-ayat Alkitab Ternama dari मार्कुस 16

Bagikan

ईशू बोलअ तिन्‍नां लै, “तम्हैं डेओआ सारै संसारै, अर सारै संसारे सोभी ज़ातीए लोगा का खोज़ा खुशीओ समाद।

“विश्वासा करनै आल़ेए हणैं ईंयां नछ़ैण, कि तिन्‍नां काढणैं मेरै नाओंआं करै मणछा का भूत पोर्ही अर तिन्‍नां बोल़णीं नऊंईं-नऊंईं भाषा। तिन्‍नां च़कणी दानुईं बी हाथै अर नज़ाणै दी तिंयां ज़ैहर बी झुटे ता, तैबी निं तिन्‍नां किछ़ हणअ, अर रोगी मणछा लै बी ज़ै तिंयां आपणैं हाथा करै छुंए तिंयां हणैं नरोगै।”

ज़ुंण विश्वास करे अर पापो प्राश्त करने डुबकी लए, उद्धार भेटणअ तेऊ ई अर ज़ुंण विश्वास निं करे सह हणअ दोशी।

एता बाद लागै तिंयां एरुशलेम नगरी का हांढदै अर तिन्‍नैं खोज़ी ईंयां गल्‍ला सारै दी अर ज़िधी बी तिंयां डेऊऐ, ईशू रहअ तिन्‍नां करै नछ़ैण अर च़मत्कार करदअ लागी। एता करै रहैऊअ ईशू लोगा का कि परमेशरो खुशीओ समाद आसा शुचअ। एवमस्तू।

तेऊ ज़ुआन मणछै बोलअ तिन्‍नां लै, “तम्हैं किल्है हुई रहैन! तम्हैं ईशू नासरी लोल़ी आसा लागी दी ज़ुंण क्रूसा दी छ़ड़ाऊअ त? तै शूणां, सह हुअ ज़िऊंदअ अर सह निं इधी आथी। भाल़ा, अह आसा सह ई ज़ैगा, ज़िधी तेऊए ल्हास ती डाही दी।

ज़ांऊं तिन्‍नैं भाल़अ कि घोरी का आसा टोल्ह पोर्ही बदल़ी दी, अर सह थिई खास्सी बडी टोल्ह। ज़ांऊं तिंयां घोरी भितरी डेऊई, तिन्‍नां का शुझुअ एक शेतै झिकल़ै आल़अ ज़ुआन मणछ दैहणीं बाखा बेठअ द अर तिंयां हुई बडी रहैन।