Ayat-ayat Alkitab Ternama dari मत्ती 19

Bagikan

ईशू बोलअ तिन्नां बाखा भाल़ी करै, “ज़ुंण मणछे भलै नांईं हई सकदअ, सह सका परमेशरे भलै हई।”

तैही निं तिंयां ऐबै दूई देही आथी पर तिंयां रहा एक देही बणीं। इहअ करै ज़ुंण परमेशरै ज़ोल़ै दै आसा तिन्नां ज़ुदै करदै निं तम्हैं लागा।”

ईशू दैनअ तिन्नां लै ज़बाब, “तम्हैं कै इहअ पहल़अ निं आथी कि ज़ुंणी तिंयां बणांऐं, तेऊ बणांऐं तिंयां शुरू ई का मर्ध और बेटल़ी; संघा बोलअ तिन्नां लै इहअ कि (मूल़ 1:27, मरकुस 10:6) “एते ई बज़्हा रहणैं तिंयां आपणैं आम्मां-बाप्पू का ज़ुदै ज़िहै आपणीं बेटल़ी संघै, और तिंयां दूई हणैं एक देही?

ईशू बोलअ तिन्नां लै, “लान्हैं दैआ मुंह सेटा लै एछणैं, इना लै निं नांईं करा, किल्हैकि इना लान्हैं ज़िहै लोगो ई आसा स्वर्गो राज़।”

पर बडै भारी आसा ज़ुंण आजू आसा, तिंयां हणैं पिछ़ू। ज़ुंण पिछ़ू आसा तिंयां हणैं आजू।”

ज़ुंणी बी मेरी तैणीं आपणैं घर-बण, भाई-बैहण, आम्मां-बाप्पू, शोहरू-माठै, खेच-खहल़, मेरै नांओंऐं छ़ाडे, तेऊ भेटणअ एसा ज़िन्दगी दी तेता का बी खास्सअ फल ज़ुंण तेऊ का पिछ़ू छ़ुटअ और तेऊ लै हणअ सदा रहणैं आल़ी ज़िन्दगीओ हक।

ईशू बोलअ तेऊ लै, “ज़ै तूह सिध्द हणअ च़ाहा, तै डेऊ, और आपणीं धन-माया बेच़ी करै बांड गरीबा दुखी दल़िदरा लै। ताह भेटणअ स्वर्गै धन, संघा आप्पू लाग मुंह पिछ़ू हांढदअ।”

ईशू बोलअ तेऊ लै, “तूह मुखा भलाईए बारै किल्है पुछ़ा? परमेशरा सुआई निं होर कोहै बी भलअ आथी। पर ज़ै तूह सदा रहणैं आल़ी ज़िन्दगी लै डेऊणअ च़ाहा, तेता लै कर तेऊओ हुकम मनी।”

भी बोला हुंह तम्हां का इहअ परमेशरे राज़ा दी सेठा आल़ै मणछो डेऊणैं का सान आसा ऊँटो सिऊंणीए पाशी बाती निखल़णअ।”

“पर हुंह बोला तम्हां लै इहअ कि ज़ुंण बी कंझ़रनै का सुआई किज़ू होरी गल्ला पिछ़ू आपणीं बेटल़ी छ़ाडी करै दुजी संघा बैह करे, सह करा कंझ़रनेओ पाप। ज़ुंण छ़ाडी दी बेटल़ी संघै बैह करा, सह बी आसा कंज़रअ।”

तेखअ बोलअ ईशू आपणैं च़ेल्लै लै, “हुंह खोज़ा तम्हां का सत्त कि धन-माया आल़ै मणछो आसा स्वर्ग राज़ा दी डेऊणअ बडअ कठण।