Ayat-ayat Alkitab Ternama dari मोत्ती 16

Bagikan

तेखअ बोलअ ईशू आपणैं च़ेल्‍लै लै, “ज़ुंण बी मेरअ च़ेल्‍लअ हणअ च़ाहे, सह निं तिन्‍नां गल्‍ला करी सकदअ ज़ुंण तेऊओ दिल च़ाहा। तेऊ लागणअ अपराधी ज़िहअ दाह-दुख ज़िरी आपणअ क्रूस आपणीं कान्हा आप्पै च़कणअ।”

हुंबी बोला ताल्है इहअ कि तूह आसा पतरास, तूह हणीं तैहा टोलीए आथरी ज़ुंण मुंह बणाणीं। जम्पर बी निं तेता का ज़िती सकदी।

“मुंह दैणीं ताल्है स्वर्ग राज़े कुंज़ी, अर ज़ुंण बी तूह पृथूई दी तिन्‍नां मणछा लै रोक्‍के, सह रोक्‍कणअ स्वर्गै अर ज़ुंण बी तूह पृथूई दी ज़ाज़त दैए, तेता लै भेटणीं स्वर्गै ज़ाज़त।”

“किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

ज़ै मणछ सारै संसारा आपणैं बशै करी सोभी गल्‍ला दी सेठ बणें अर आपणैं प्राण शोटे, तेऊ लै कै फाईदअ हणअ? या मणछा लै आपणीं ज़ानीं का ज़ादै किम्मती किज़ै आसा?

तेखअ पुछ़अ तेऊ तिन्‍नां का, “तम्हैं किज़ै बोला मुल्है? हुंह कुंण आसा?” शमौन पतरासै बोलअ, “तूह आसा ज़िऊंदै परमेशरो पूत मसीहा।”

ईशू बोलअ तेऊ लै, “शमौन, जोने शोहरूआ, परमेशर आसा ताह करै खुश। अह गल्‍ल निं लोहू अर मास्सा करै हुई। पर मेरअ बाब ज़ुंण स्वर्गै आसा, तेऊ किई अह गल्‍ल ताह दी प्रगट।