1
लूका 6:38
बाघली सराज़ी बोली दी पबित्र शास्त्र
OSJ
ज़ै तम्हैं होरी लै दैई करे, तै दैणअ तम्हां लै बी, ज़ुंण तम्हैं दैनअ द होए सह एछणअ तम्हां लै नापी, ठिंहीं अर छ़ूप लाई थारै भोसल़ै बापस फिरी। किल्हैकि ज़ेऊ ढाल़ै तम्हैं होरी संघै बर्ताअ करा, तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।”
Bandingkan
Telusuri लूका 6:38
2
लूका 6:45
भलअ मणछ काढा आपणैं मन्नें भलै भढारा का भली गल्ला अर बूरअ काढा बूरी गल्ला। किल्हैकि ज़ुंण मन्नैं हआ सह ई एछा खाखा दी।
Telusuri लूका 6:45
3
लूका 6:35
“पर तम्हैं करै आपणैं दुशमणा लै बी झ़ूरी, तिन्नां लै बी सोठणअ भलअ। ऋण दैई बापस एछणें आशा निं डाहणीं। तै भेटणअ तम्हां तेतो परमेशरा का फल अर तै हणैं तम्हैं परम प्रधान परमेशरे पूत किल्हैकि सह करा तिन्नां लै बी क्रिप्पा ज़ुंण बूरै आसा अर परमेशरो अदर बी निं करदै।
Telusuri लूका 6:35
4
लूका 6:36
ज़िहअ थारअ स्वर्गो बाब परमेशर झणैल़ू आसा, तम्हैं बी करा होरी लै तेही ई झींण।
Telusuri लूका 6:36
5
लूका 6:37
“होरी लै दोश निं लाणअ, तै निं तम्हां लै बी दोश लागणअ नां कसरी निंदा करनी तै निं थारी बी निंदा हणीं। माफ करा, तै करनी परमेशरा थारी सज़ा बी माफ।
Telusuri लूका 6:37
6
लूका 6:27-28
“पर हुंह बोला तम्हां शुणनै आल़ै लै कि आपणैं दुशमणा संघै बी करा झ़ूरी अर ज़ुंण तम्हां संघै ज़ीद करा, तिन्नां लै बी करा भलअ। ज़ुंण तम्हां लै फिटक दैआ, तिन्नां लै दैआ बर्गत अर ज़ुंण थारी बेइज़ती करा, तिन्नां लै करा प्राथणां।
Telusuri लूका 6:27-28
7
लूका 6:31
तम्हैं बी करा लोगा संघै तिहअ ई, ज़िहअ तम्हैं च़ाहा कि लोग तम्हां संघै करे।
Telusuri लूका 6:31
8
लूका 6:29-30
ज़ुंण तेरै एकी गलेटै दी च़ैंडै बाहा, तेऊ बाखा लै फरेऊ दुजअ बी अर ज़ै कुंण धोखै करै तेरी सुथणीं निंए, तेऊ निं कुर्तै निंणै का बी रोक्की आथी। ज़ुंण बी ताखा मांगे, तेऊ लै दैऐ, अर ज़ुंण तेरी च़िज़ा छ़ड़ैऊऐ, तेऊ का निं बापस मांगी आथी।
Telusuri लूका 6:29-30
9
लूका 6:43
“कोई बी राम्बल़अ बूट निं निक्कअ फल़ दैंदअ अर नां कोई निक्कअ बूट राम्बल़अ फल़ दैंदअ।
Telusuri लूका 6:43
10
लूका 6:44
हरेक बूट बछ़ैणियां तेऊए फल़ा का। किल्हैकि कांडै का फेडू अर झ़ाकल़ा का दाख निं कोहै चोल़दै।
Telusuri लूका 6:44