Ayat-ayat Alkitab Ternama dari लूका 3

Bagikan

ज़ांऊं सोभी लोगै डुबकी लई, ईशू बी त डुबकी का बाद प्राथणां करदअ लागअ द। तेखअ हुअ इहअ कि हेरा-हेरी खुल्हअ सरग अर पबित्र आत्मां होथी पालल़ी ज़ेही तेऊ दी अर परमेशरै किई स्वर्गा का ईशू संघै एही गल्‍ला, “तूह आसा मेरअ पूत ज़हा संघै हुंह खास्सी झ़ूरी करा। हुंह आसा ताखा खुश।”

अर जोहन्‍ना तिन्‍नां लै ज़बाब दैनअ, “हुंह, दैआ तम्हां लै पाणीं दी डुबकी; पर सह आसा एछणैं आल़अ ज़ुंण मुंह बाद एछणैं आल़अ आसा, सह आसा सोभी का महान अर इधी तैणीं कि हुंह निं तेऊ सेटा एता जोगी बी आथी कि हुंह तेऊए पोलल़ै खोल्हणैं च़ाकरी करनै आल़अ दास बणी सकूं। तेऊ दैणअ तम्हां लै पबित्र आत्मां अर आगी दी डुबकी।

इहै काम ता करा ज़ेता करै थोघ लागे कि तम्हैं हेरअ प्राश्त करी पाप करनअ छ़ाडी अर आपणैं-आपणैं मन्‍नैं निं इहअ सोठा कि हाम्हैं आसा आबरामे खिंबा का, तै निं हाम्हां लै परमेशरा सज़ा दैणीं। हुंह बोला तम्हां का इहअ कि परमेशर सका इना पात्थरा का बी आबरामा लै लुआद पैईदा करी।

परमेशर आसा तम्हां लै सज़ा दैणें ताका बेठअ द ज़िहअ मणछ राम्बल़ै फल़ नांईं दैणैं आल़ै बूटा खराल़ै करै गोधी का काटा। तिहै ई पाणै तेऊ बी तिंयां सारै बूट गोधी का पेच़ी करै आगी जैंदरी।

ज़िहअ परमेशरे गूर ईशायाहे कताबा दी आसा लिखअ द, “शुन्‍नैं रेगीस्ताना का आसा कुंण हाक्‍का लांदअ अर इहअ बोल्दअ लागअ द, ‘प्रभू एछणें धैल़ी लै डाहा बाता शुंहीं-शोधी, तेऊए सुआगत करना लै रहा सोभ तैर्हुई।’ सोभी खागा भरा, उछ़टी धारा करा धरनीं सरली। बडी-बडी ज़ोता बणअ सरलअ देश, उछ़टी-निंहंटी ज़ैगा हणीं बराबर च़कोर। परमेशरो उद्धार शुझणअ सोभी मणछा का।”