Ayat-ayat Alkitab Ternama dari जेरमयाह 31

Bagikan

खास्सी साला पैहलै बोलअ त बिधाता इज़राईला लै, “हुंह झ़ूरा तम्हां लै सदा। मेरअ तम्हां लै झ़ूरनअ आसा अटल़ अर मुंह लागा कबल्‍ली थारी झींण।

मुंह दैणअ तिन्‍नां लै बशैघ ज़ुंण थकै दै होए। ज़हा भुखै तराण निं रहे, तिंयां दैणैं मुंह रज़ैऊई।

“मुंह बिधाता ज़ुंण नऊंईं करार आपणीं परज़ा इज़राईली संघै करनी सह हणीं एही: ‘मुंह पाणअ आपणअ बधान तिन्‍नें मन्‍नैं, अर सह डाहणअ मुंह तिन्‍नें दिलै लिखी। हुंह हणअ तिन्‍नों परमेशर अर तिंयां हणैं मेरी परज़ा। “‘तेखअ निं तिन्‍नां साथी-संघी अर भाई बंधा का खोज़णअ पल़णअ कि बिधातो अदर करा। किल्हैकि तिन्‍नां सोभी का हणअ मेरअ थोघ च़ाऐ तिंयां आम मणछ होए या राज़ करनै आल़ै मशूर मणछ होए। मुंह करनै तिन्‍नें पाप माफ अर तेखअ निं मुंह तिन्‍नें गलती आद डाहणीं। अह गल्‍ल डाही मंऐं बिधाता बोली।’

बिधाता बोला इहअ, “आजू एछणैं इहै धैल़ै कि मुंह करनीं इज़राईल अर यहूदा संघै नऊंईं करार। सह करार निं तेता ज़ेही हणीं ज़ुंण मंऐं तिन्‍नें दादा-बाबा संघै तधू किई ती ज़धू मंऐं तिंयां मिसर देशा का काढी आणै। हुंह त तिन्‍नां लै मर्धा ज़िहअ अर तिंयां निं मुल्है शुचै-पाक्‍कै रहै।