Ayat-ayat Alkitab Ternama dari मूल़ 50

Bagikan

“तम्हैं सोठअ मुल्है कबल्‍लअ बूरअ करनअ, पर बिधाता बदल़अ सह भलाई दी, ताकि सह सोभी लोगा बच़ाऊई सके, ज़िहअ आझ़ हाम्हैं म्हारी आपणीं आछी भाल़अ।

पर युसुफै बोलअ तिन्‍नां लै, “तम्हैं निं डरा आथी! बिधाता ज़िहअ करने बेठी गई, तेता निं हुंह बदल़ी सकदअ।

“ऐबै निं तम्हैं डरदै लागा! हुंह करूं तम्हां अर थारै लान्हैं-सुन्हें हेर-सभाल़।” युसुफे इना गल्‍ला शूणीं आऐ तिंयां हल़कै शाहै बापस फिरी।

‘तम्हैं किअ युसुफा लै बूरअ अर तेऊए किऐ तम्हैं बूरै हाल, पर तम्हैं मांगै तेऊ का माफी।’ “ऐबै आसा ज़ीबाण करी म्हारी ताखा एही अरज़ कि ज़ुंण हाम्हैं कशूर किअ, तेऊ पापा लै छ़ाड ऐबै हाम्हां लै माफी। हाम्हैं सोभै आसा भाल़ तेऊ ई एकी बिधाते दास ज़सरी च़ाकरी म्हारअ बाब करा त।” ज़ांऊं युसुफै ईंयां गल्‍ला शूणीं, तेऊ का छ़ुटी लेरा।

युसुफै बोलअ मरनै का आजी आपणैं भाई का, “हुंह निं ऐबै खास्सअ ज़िऊंदअ। पर बिधाता डाहणअ थारअ धैन-खैल आप्पै, तेऊ हेरनै तम्हैं एऊ देशा का काढी तेऊ देशै पजैल़ी ज़िधा लै निंणे करार तेऊ म्हारै दाद-बाब आबराम, इसहाक अर याकबा का आसा किई दी।

तम्हैं दैआ मुल्है ज़बान कि ज़ेभै तम्हां बिधाता एऊ देशा का काढी तेऊ देशा लै निंए, तेभै निंयैं मेरै हस्तू बी आप्पू संघा।”

इहअ करै गअ युसुफ एकी शौआ दसा साले अमरा ज़ांऐं। तिन्‍नैं होरी डाही तेऊए ल्हास खुशबूदार च़िज़ा जैंदरी मिसर देशै एकी सदूका भितरी।