Ayat-ayat Alkitab Ternama dari मूल़ 21

Bagikan

ज़िहअ बिधाता बोलअ त, तेऊ डाहअ तैहा गल्‍लो धैन, संघा दैनी सारा लै बर्गत।

बिधाता शूणअ सह शोहरू लेरा लांदअ, स्वर्ग दूतै लाई हागारा लै उझै का हाक्‍का संघा बोलअ इहअ, “हागार, तूह किल्है आसा डरी दी? फिकर निं करै, बिधाता हेरी तेरै शोहरूए लेरा-पकारा शूणीं। “खल़ी उझ़ू, आपणैं हाथा ढाकी कर एऊ शोहरू खल़ै, मुंह बणाणअं एऊ करै एक बडअ देश।”

एही थिअ आबराम खास्सअ प्रोढअ गअ द हई, तेऊ करै हुई सारा प्रोढी अमरा सुंदी संघा ज़िहअ बिधाता बोलअ त, तेसो हुअ ठीक तेभै ई शोहरू।

सारा बोलअ इहअ, “बिधाता दैनअ मुल्है बी खुशी मनाऊंणेओ मोक्‍कअ, ज़ुंण बी ऐहा गल्‍ला शुणें तेऊ बी मनाऊंणी मुंह संघै खुशी।

पर बिधाता बोलअ आबरामा लै, “आबराम, तूह निं आपणीं गलाम बेटल़ी अर तेसे एऊ शोहरूए बारै फिकर करी। तूह कर तिहअ ई, ज़िहअ ताल्है तेरी बेटल़ी सारा बोल्दी आसा लागी दी। आजू हणीं इसहाका ई का तेरी आद-लुआद।

“पर ऐहा दासीओ शोहरू बी आसा तेरअ ई शोहरू, एऊए आद-लुआदा का बी बणाणअं मुंह बडअ देश।”