Ayat-ayat Alkitab Ternama dari मूल़ 15

Bagikan

ज़िहअ बिधाता बोलअ, अब्रामै किअ परमेशरे गल्‍लो विश्वास, अर परमेशरै बणाअं सह आप्पू संघै धर्मीं।

थोल़ै धैल़ै बाद किई बिधाता धैना दी अब्रामा संघै एही गल्‍ला, बिधाता बोलअ इहअ, “अब्राम, तूह निं डरै, तेरी फाज़त करूं हुंह आप्पै अर ताह भेटणअ खास्सअ फल।”

तेखअ निंयं बिधाता अब्राम बागा लै संघा बोलअ इहअ, “सरगा बाखा लै भाल़ संघा गण इना तारै ज़ै तूह गणी सका, तेरी आद-लुआद बी हणीं इना तारै ज़ेही खास्सी।”

ऐहा गल्‍ला शूणीं बोलअ बिधाता अब्रामा लै, “अह निं तेरअ बारस हणअ, तेरअ हणअ आपणअ शोहरू, अर ज़ुंण बी तेरअ आसा सह हणअ तेतो बारस।”

तेखअ बोलअ बिधाता अब्रामा लै इहअ, “अब्राम, तूह मरनअ खास्सी प्रोढी अमरा, अर तेरै क्रिया-कर्म बी हणैं राम्बल़ै करै। “पर अह गल्‍ल हणीं पाक्‍की कि तेरी आद-लुआद हणीं पराऐ देशै परदेसी, अर तिन्‍नां डाहणैं तिंयां गलाम बणाईं, अर च़ऊ शौआ साला तैणीं दैणअ तिन्‍नां लै दुख। “ज़हा ज़ातीए तिंयां गलाम हणैं, तेखअ दैणीं मुंह तेऊ देशे लोगा लै सज़ा ज़ुंणी तिंयां गलाम बणाईं करै तिन्‍नां लै दुख दैनअ। तेखअ निखल़णैं तिंयां तेऊ देशा का खास्सी ज़ैदात संघा लई करै।

पर अब्रामै बोलअ बिधाता का इहअ, “बिधाता, मेरै मालक, सारअ बल आसा ताखा ई, तेरी इना बर्गतो मुल्है कै पुआज़अ हणअ! ज़ै आजू मेरअ शोहरू ई निं आथी? ऐबै हुअ हुंह प्रोढअ, मेरै मरनै बाद हणअ मेरी सारी ज़ैदातो बारस मेरअ अह गलाम एलीआजर ज़ुंण दमिश्क नगरी का आसा!

तैहा ई धैल़ी किई बिधाता अब्रामा संघै एही करार, “मिसर देशे सिऊंआं नील नदी ओर्ही फरात नाओंए माहा नदी तैणीं दैणीं मुंह सारी ज़ैगा आजू तेरी आद-लुआदा लै। ज़ेतरअ देश आसा

“च़ौथी पोस्ती बाद एछणैं तेरै आद-लुआद इधा लै भिई फिरी, किल्हैकि एऊ देशै रहणैं आल़ै अमोरी लोगो पापो हांडू जाणअ तेभा लै भर्हुई अर तेभै हणैं ईंयां सज़ा दैणैं जोगी।”