Ayat-ayat Alkitab Ternama dari मूल़ 12

Bagikan

“मुंह दैणीं ताल्है बर्गत अर तेरी आद-लुआदा करै बणाणैं मुंह खास्सै देश। तूह हणअ इहअ मशूर कि ताह करै भेटणीं होरी बी बर्गत। “ज़ुंण ताल्है भलअ करे तेऊ लै दैणीं मुंह बर्गत, पर ज़ुंण ताल्है फिटक दैए, तिन्‍नां लै दैणअ मुंह फिटक। पृथूईए सोभी खिंबे लोगा भेटणीं ताह करै मुखा बर्गत।”

बिधाता बोलअ अब्रामा का, “तूह डेऊ आपणैं देश अर आपणैं टबरा छ़ाडी तेऊ देशा लै ज़ुंण मुंह ताखा रहैऊंणअ।

बिधाता ज़धू अब्राम हारान देशा का शादअ, तधू थिई तेऊए अमर पझत्तरा साले। ज़िहअ बिधाता तेऊ लै बोलअ, तिहअ ई लागअ सह तिधा का आपणीं लाल़ी साराई, भतिज़ै लूता संघा लई कनान देशा लै हांढदअ। हारान देशै ज़ुंण ज़ैदात अर गलाम तेऊ संघै थिऐ, तिंयां बी आणै तेऊ संघा।

बिधाता हुअ अब्रामा सेटा प्रगट संघा बोलअ अब्रामा लै इहअ, “तेरी लुआदा लै दैणीं मुंह अह ज़ैगा सदा लै।” तेखअ बणाईं अब्रामै तिधी बिधाता लै एक बेदी।