Ayat-ayat Alkitab Ternama dari लुआह 8

Bagikan

मिसर देशे ज़ादू करनै आल़ै बी लागै आपणीं बिधी-सिधी करै इहअ ई करदै कि तिंयां बी धूल़ै का कतूआ बणाणेंओ च़मत्कार करे पर तिंयां निं इहअ करी सकै। इहअ करै रही मणछ अर डागै-धणा दी कतूआ भर्हुई। तेखअ बोलअ तिन्‍नैं ज़ादू करनै आल़ै मिसर देशे माहा राज़ै का, “अह काम निं मणछो आथी, इहअ सका सिधअ परमेशर ई करी।” पर ज़िहअ बिधाता पैहलै त डाहअ द बोली, मिसर देशो माहा राज़अ हुअ होर बी काठअ अर तेऊ निं मोसा अर हारणे गल्‍ला मनी।

तेखअ बोलअ बिधाता मोसा लै इहअ, “मैहला लै डेऊ संघा दै मिसर देशे माहा राज़ै लै इहअ हुकम कि मेरै लोगा दै डेऊणैं ताकि तिंयां मेरी च़ाकरी करी सके।

पर ज़ांऊं मिसर देशे माहा राज़ै भाल़अ कि मिंडकै गऐ ऐबै मरी, तेऊ किअ भिई तिहअ ई ज़िहअ बिधाता पैहलै हेरअ त बोली अर सह हुअ होर बी काठअ अर तेऊ निं मोसा अर हारणे गल्‍ला मनी।

ज़ै सह नांईं शुणें, मुंह भरनअ सारअ मिसर देश मिंडकै करै।

तेखअ बोलअ बिधाता मोसा लै इहअ, “हारणा लै बोल कि आपणीं शोठी करै बाहै धरनीं माट्टै प्रैंदै, तिहअ करै निखल़णीं सारै मिसर देशे माट्टे धूल़ै का कतूआ।”

बिधाता किअ तिहअ ई, मिसर देशे माहा राज़ेए मैहलै अर तेऊए कार-करिंदै घअरै पेठै डगैछे छ़ुंढ अर सारअ मिसर देश हुअ डगैछै करै बरैबाद।