Ayat-ayat Alkitab Ternama dari लुआह 6

Bagikan

“ऐबै खोज़ इज़राईली का मेरअ इहअ समाद, ‘हुंह आसा बिधाता, ऐबै दैणीं मुंह आपणीं शगती करै मिसर देशे लोगा लै सज़ा, अर तम्हैं बच़ाऊंणै मुंह तिन्‍नें गलामी का।

“‘आजू हणैं ऐबै मेरै आपणैं लोग तम्हैं, हुंह बिधाता हणअ थारअ परमेशर। तेखअ जाणअ तम्हां का थोघ लागी कि सह आसा हुंह ज़ुंणी तम्हैं मिसर देशे लोगे गलामी का आज़ाद किऐ।

मुंह पजैल़णैं तम्हैं तैहा ज़ैगा ज़ेते ज़बान मंऐं आबराम, इसहाक अर याकबा लै आसा दैनी दी अर तैहा ज़ैगे मालक हणैं तम्हैं। हुंह आसा बिधाता।’” ज़ांऊं मोसा ईंयां गल्‍ला इज़राईली का खोज़ी, तिन्‍नैं निं इना गल्‍लो विश्वास किअ किल्हैकि तिन्‍नैं त गलामीए दाह-दुखा करै ऐबै हैअ चोल़ी हेरअ द।

तेखअ बोलअ बिधाता मोसा लै, “ऐबै जाणअ ताखा शुझुई भाल़ै मंऐं मिसर देशे माहा राज़ै लै किज़ै लाअ करी। ज़ांऊं मुंह आपणीं शगती रहैऊंणीं तेखअ दैणअ तेऊ मेरै लोगा डेऊणैं, इधी तैणीं कि तेऊ काढणैं तिंयां ज़ोरा-ज़ोरी आपणैं देशा का बागै।