Ayat-ayat Alkitab Ternama dari लुआह 31

Bagikan

“पबित्र खिम्भा बणाणां लै कारीगीर छ़ांटअ मंऐं यहूदा गोत्रा का ऊरीओ शोहरू बसलेल, ज़ुंण हूरो पोचअ आसा, तेऊ दी पाई मंऐं बिधाता आपणीं आत्मां, तेऊ लै दैनी मंऐं समझ़ अर सह बणाअं मंऐं इहअ सज़ाण कारीगीर ज़ुंण सुन्‍नैं, च़ंदी, कांस्सअ, किम्मती पात्थर अर काठा दी खेल़्तर पाई कारीगीरी सका करी।

बिधाता बोलअ तेखअ मोसा लै इहअ, “मोसा, इज़राईली का बोल कि बिधाता बोलअ इहअ, ‘बशैघे धैल़ी आसा मेरी। ऐबै आसा तम्हां लै मेरअ इहअ हुकम कि बशैघै धैल़ीओ बधान करै तम्हैं अर आजू थारी आद-लुआद पोस्ती दर पोस्ती पूरअ। एता करै लागणअ तम्हां का थोघ कि मंऐं थारै बिधाता आसा तम्हैं आप्पू लै छ़ांटै दै।

अह धैल़ी हणीं मुंह बिधाता अर इज़राईली दुही लै एक नछ़ैण कि मंऐं बणाअं सारअ भ्रमंड छ़हा धैल़ै भितरी अर सातुई धैल़ी बशैघ करी किअ मंऐं आपणअ शाह हल़कअ।’”