Ayat-ayat Alkitab Ternama dari बधान 4

Bagikan

“पर इना सोभी आफ़ता मांझ़ै बी ज़ै तम्हैं आपणैं परमेशर बिधाते लोल़-तोप करे अर तेऊ बाखा फिरी तेऊओ सारअ बधान मने, तेखअ जाणअ भिई थारअ बिधाता संघै मेल़-ज़ोल़ हई।

किल्हैकि थारअ परमेशर बिधाता आसा झणैल़ू, सह नां ता तम्हां छ़ाडदअ अर नां बरैबाद दैंदअ हणैं। बिधाता ज़ुंण करार थारै दादा-बाबा संघै आसा किई दी, तेता निं सह कधि बिस्सरदअ आथी।

किल्हैकि ज़ै तम्हैं इहअ करे, परमेशर बिधाता हणअ तम्हां का नराज़, सह हणअ हेरे तेखअ एही आगी ज़िहअ ज़ुंण सोभै गल्‍ला खतम करा।

“तम्हैं डाहै ऐहा गल्‍लो धैन हेरे, तम्हैं निं सारी अमरा तिन्‍नां गल्‍ला बिस्सरुई ज़ुंण तम्हैं आपणीं आछी भाल़ी कि बिधाता तम्हां लै किज़ै किअ। आप्पू बी डाहै तम्हैं इना गल्‍ला आद अर आजू आपणैं शोहरू-माठै अर पोचै का बी डाहै इना खोज़ी।

“तैही बोला हुंह तम्हां लै, ऐहा गल्‍ला डाहै सदा आद उझै सरगै अर उंधै धरती दी आसा एक्‍कै बिधाता ई अर सह ई आसा असली परमेशर।

“इहअ देश निं होर कोहै आथी ज़हा का इहअ महान धर्मीं बधान अर बिधी होए, ज़ुंण बिधाता मुल्है तम्हां का खोज़णा लै बोलअ। ज़हा देशा गिम्मी तम्हैं तेते मालक बणें, तैहा ज़ैगा मनै तम्हैं इना बधाना अर बिधी। बधान अर बिधी मनणा लै रहै शुचै-पाक्‍कै, ताकि होरी देशे लोगा का बी थोघ लागे कि तम्हां केतरी सुंबल़ी बुध आसा। एऊ बधान अर इना बिधी शूणीं बोल़णअ तिन्‍नां मणछा बी इहअ, ‘एऊ देशे लोगा भाल़ केही समझ़-बुध आसा!’ “अह ई गल्‍ल बणाआं हाम्हां होरी देशे लोगा का खास कि हाम्हां संघै आसा सह परमेशर बिधाता ज़ुंण हाम्हां संघै रहा अर ज़िधी बी हाम्हैं तेऊ का बोला, सह करा म्हारी मज़त।

“पर इना सोभी आफ़ता मांझ़ै बी ज़ै तम्हैं आपणैं परमेशर बिधाते लोल़-तोप करे अर तेऊ बाखा फिरी तेऊओ सारअ बधान मने, तेखअ जाणअ भिई थारअ बिधाता संघै मेल़-ज़ोल़ हई।

ऐबै आसा सह बिधाता थारअ। मंऐं लाई तिंयां सोभै गल्‍ला तेही ई खोज़ी ज़िहअ तेऊ मुल्है हुकम किअ, तिन्‍नां गल्‍ला दी नां हुंह किज़ै आप्पू बाखा ज़ोल़दअ, नां तेता मांझ़ै किज़ै छ़ाडदअ।