Ayat-ayat Alkitab Ternama dari बधान 16

Bagikan

ज़ेही-ज़ेही बिधाता तम्हां लै बर्गत दैनी, थारी भैंट बी लोल़ी तेही ई खास्सी हुई।

“ज़ेभै तम्हैं सोभै आपणैं-आपणैं गोत्रे साबै तेऊ देशे नगरी-नगरी बस्सी जाए ज़ुंण तम्हां लै बिधाता दैणीं, तिन्‍नां सोभी नगरी दी डाहै लोगे फैंसलै करनै आल़ै पांच़ अर सैणैं छ़ांटी। ज़ुंण लोगे पांच़ बणें तिन्‍नें मन्‍नैं निं लोल़ी तेभै धख ज़िहअ भेदभाब बी हुअ ज़ेभै तिंयां लोगे मकदमैंओ फैंसलअ करे, च़ाऐ तेथ कुंण खास आदमी किल्है निं होए। नां पांच़ी लै ढब्बै-धेल्‍लै ढाकी किल्हैकि इहअ करै निं तेऊ पांच़ा का पाप-धर्म शुझदअ अर सह बणाआं मानदार मणछा बी झ़ुठै।

“तम्हैं मनाऊंऐं बिधाता सेटा पबित्र ज़ैगा लै डेऊई हर साल चअन थैर। च़ैत्रै मनाऊंऐं आखरी रोटीओ थैर, ज़ेभै थारअ नाज़ लऊंणा लै होए, तेभै मनाऊंऐं सलहरीओ थैर अर ज़ेभै तम्हैं मुक्‍कदी साला आपणीं साल-फसल खुडी झाल़ी मुक्‍के, तेभै मनाऊंऐं छ़ानींओ थैर। ऐहा गल्‍लो बी डाहै खैल कि तम्हैं सोभी लोल़ी तेभै बिधाता लै भैंट ज़रूर आणी।

“नसाफ करना लै रहै तम्हैं शुचै, तै रहणैं तम्हैं तैहा ज़ैगे मालक बणी ज़ुंण तम्हां लै थारै परमेशर बिधाता दैणीं, तै हणीं थारी अमर तेऊ देशै खास्सी।