Ayat-ayat Alkitab Ternama dari दानिएल 9

Bagikan

मंऐं मनी आपणैं मालक बिधाता सेटा अह गल्‍ल कि हाम्हैं किअ पाप, संघा किई मंऐं तेऊ सेटा एही अरज़: “ए परमेशर बिधाता, तूह आसा महान, हाम्हैं करा तेरअ अदर। तूह आसा आपणीं करार पूरी करना लै शुचअ-पाक्‍कअ। तेरी झ़ूरी आसा तिन्‍नां लै अटल़ ज़ुंण ताल्है झ़ूरा अर तेरअ हुकम मना।

ए म्हारै मालक, म्हारी नगरी आसा पठ ढूल़ी-पल़ी दी, तेथ आसा सिधी पात्थरे डिंगरी रही दी। तूह भाल़ आप्पै कि तैहा नगरी लै किज़ै हुअ ज़हा लै तेरी नगरी बोला। इहअ निं आथी कि हाम्हैं आसा धर्मीं अर तै आसा हाम्हैं ताह सेटा अरज़ करदै लागै दै। हाम्हैं करा ताह सेटा अरज़ किल्हैकि तूह आसा खास्सअ झणैल़ू। ए म्हारै मालक, ज़ीबाण, म्हारी अरज़ शुण! मालक, ज़ीबाण, हाम्हां लै छ़ाड माफी! तूह कर तिहअ ज़ेही हाम्हैं ताह सेटा अरज़ किई अर ईंयां गल्‍ला लोल़ी छ़ेक्‍कै पूरी बी हुई! ताकि लोग तेरअ अदर करे। अह नगरी अर ऐहा नगरीए लोग आसा तेरै।”

तेखअ किई मंऐं आपणैं मालक बिधाता सेटा अरज़ कि सह मेरी मज़त करे। हुंह रहअ ब्रतू, घेरी डाहै मंऐं खिंथल़ै बान्हीं, संघा रहअ हुंह छ़ारा जैंदरी बेशी।

म्हारै मालक बिधाता, हाम्हैं किअ ताल्है द्रोह! पर तूह आसा झणैल़ू अर तूह करा हाम्हां माफ।

“तेता बाद करनी तेऊ राज़ै खास्सै लोगा संघै साता साले करार पाक्‍की, ज़ांऊं साढै चअन साला निभी जाणीं, तेऊ करनै बिधाते भबनै बल़ीदान अर भैंट करनी बंद। तेऊ डाहणीं बिधाते पबित्र भबनै छ़ोतली मुहुर्ती ज़ेता घोर आफ़त पाणीं। सह रहणीं खिरी तेभै तैणीं तिधी ज़ेभै तैणीं सह बनाश करनै आल़ै राज़ैओ परमेशर बनाश करे। तेऊओ बनाश हणअ तेभै ज़ुंण धैल़ी परमेशरै आसा काढी दी।”