Ayat-ayat Alkitab Ternama dari दानिएल 6

Bagikan

इना गल्‍ले बारै हेरअ कुंणी दानिएला का खोज़ी कि राज़ै किअ नऊंअ हुकम ज़ारी अर तेथ हेरै राज़ै दारा दसकत करी। सह डेऊअ तेखअ आपणैं घअरा लै। तेऊए घअरे प्रैंधल़ी पांडे ताक्‍की ती एरुशलेम नगरी बाखा। सह करा त कबल्‍लअ धैल़ी चिई बारी परमेशरा सेटा अरज़ अर तेऊओ शूकर। तधू बी किअ तेऊ तिहअ ई।

मेरै परमेशरा का आसा थोघ कि हुंह आसा नर्दोश, तेऊ छ़ाडअ मुंह सेटा लै आपणअ एक स्वर्ग दूत, तेऊ डाहै सिहे दांद किल्‍ली अर इहअ करै निं ईंयां सिह मेरी किछ़ हान्‍नी करी सकै। माहा राज़अ, मंऐं निं ताल्है बी इहअ किछ़ किअ कि ज़ेता करै तेरी हान्‍नी हुई होए।”

ज़हा-ज़हा देशै मेरअ राज़ आसा, तिन्‍नां सोभी लै आसा मेरअ हुकम कि सोभ लोग करै तेऊ परमेशरो अदर ज़सरी च़ाकरी दानिएल करा। सोभ रहै तेऊ परमेशरे डरा हेठै! किल्हैकि सह ई आसा ज़िऊंदअ परमेशर अर जुगै-जुगै तैणीं आसा सह ई। तेऊओ राज़ निं कधि खतम हणअ अर सह आसा सोभी प्रैंदै सदा लै राज़अ। खरी का बच़ाऊआ सह ई अर ज़िन्दगी बी सका सह ई बच़ाऊई। सह करा सरगै अर धरती दी महान अर नुआहरै च़मत्कार। तेऊ ई परमेशरै बच़ाऊअ दानिएल बलबान सिहा का।”

तेखअ दैनअ राज़ै दारा हुकम कि दानिएला करा कैद। सपाही आणअ दानिएल ढाकी संघा शोटअ सिहे जुहल़ी दी। राज़ै बोलअ तेऊ लै, “तूह करा शुचअ-पाक्‍कअ रही आपणैं परमेशरे च़ाकरी, मेरी आसा एही अरज़ कि तेऊ परमेशरै लोल़ी तूह बच़ाऊअ।”