Ayat-ayat Alkitab Ternama dari कुलूस्सी 2

Bagikan

ज़िहअ तम्हैं विश्वास करी मसीहा ईशू आपणअ प्रभू मनअ, तिहै ई रहा तेऊ दी विश्वास डाही ज़िन्दगी ज़िऊंदै लागी। ज़िहै डुघै डेऊऐ दै ज़लैल़ै बूटा अर डुघी आथरी घअरा पाक्‍कै डाहा, तिहै ई हआ तम्हैं विश्वासा दी पाक्‍कै अर कबल्‍लै रहा विश्वासा दी बझ़दै लागी ज़िहै तम्हैं सखाऊऐ दै आसा। ज़ेतरअ खास्सअ हई सका तेतरै रहा परमेशरो शूकर करदै लागी।

चतैन रहा कि कोई तम्हां तेऊ कथ्या काहाणीं अर बृथा गल्‍ले धोखै करै खतम नां करे, ज़ुंण मणछे रिती-रबाज़ अर एऊ संसारा बश करनै आल़ी आत्मिक शगती करै एछा, पर मसीहे साबै निं आथी।

तम्हैं थिऐ मूंऐं दै किल्हैकि थारै पाप अर पाप करनैओ सभाब निं अज़ी पोर्ही काढअ त। तेखअ किऐ परमेशरै तम्हैं मसीहा संघै ज़िऊंदै, ताकि सह म्हारै सारै पाप माफ करे। म्हारै खलाफ ज़ुंण बधाना दी सज़ा ती लिखी दी तेऊ किअ सह खतम अर क्रूसा दी टोक्‍की करै किई हाम्हां का सदा लै दूर।

मसीहा मणछे देही ता लई पर तज़ी बी त सह सोभी साबै परमेशर। ऐबै दैनी तम्हां लै परमेशरै सोभै गल्‍ला किल्हैकि तेऊ किअ मसीहा दी थारअ मेल़-ज़ोल़ सह करा हरेकी मणछा, आत्मां अर स्वर्ग दूता प्रैंदै राज़।

तैही निं लोल़ी तम्हैं खाणैं पिणें अर तिह-थैर अर उआंस पुनूंई या बशैघे धैल़ीए बारै कबाता पाऐ अर नां कुंण थारअ फैंसलअ करे। किल्हैकि ईंयां सोभै बधान आसा एछणैं आल़ी गल्‍ले छ़ैल्‍ली ज़िहै, पर मूल़ देही आसा मसीहा।