Ayat-ayat Alkitab Ternama dari शधाणूं 20

Bagikan

इहअ करै रहैऊअ मंऐं इहअ कि तम्हां केही ज़िन्दगी लागा ज़िऊंणीं। तम्हां लागा खास्सी मैन्थ करनी ताकि तम्हैं रोगी अर रैनै-गरीबे मज़त करी सके। तम्हैं डाहणीं अह गल्‍ला आद कि मसीहा प्रभू ईशू आसा आप्पै इहअ बोलअ द, ‘मांगणै का आसा दैणअ भलअ।’”

पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।

“इहअ करै आपणीं अर आपणैं पूरै छ़ुंडे करै हेर-सभाल़। ज़हा दी पबित्र आत्मां तम्हैं सैणैं आसा बणाऐं दै। कि तम्हैं करै परमेशरे टोलीए हेर-सभाल़, ज़ुंण तेऊ आपणैं लोहू करै मोल आसा लई दी।

“ऐबै लाऐ मंऐं तम्हैं परमेशर अर तेऊए जशे समादा का सभाल़ी ज़ुंण थारी बढोतरी सका करी, अर परमेशरे झींणा करै भेटणीं तम्हां तिंयां सोभै गल्‍ला ज़ेतो तेऊ आपणैं लोगा दैणीं आसा किई दी।