Ayat-ayat Alkitab Ternama dari 1 तिमोथी 1

Bagikan

अह गल्‍ल आसा शुची बोली दी अर सोभी साबै मनणै जोगी, “मसीहा ईशू आअ एते तैणीं कि संसारे हाम्हां पापी मणछा तेऊ करै उद्धार भेटे।” इना मांझ़ै आसा सोभी का खास्सअ पापी हुंह।

पर परमेशरै किई मुल्है झींण। तेऊ किअ इहअ तै कि मंऐं ज़ुंणी सोभी का खास्सअ पाप किअ, मसीहा ईशू मुंह करै ऐहा गल्‍ला रहैऊए कि तेऊ मुल्है किहअ सबर किअ अर ज़ुंण मंऐं किअ तेते निं तेऊ परबाह किई। तेऊ किअ इहअ एते तैणीं कि होर लोग बी बादा का तेऊ दी विश्वास करे अर तिन्‍नां सदा रहणैं आल़ी ज़िन्दगी भेटे।

मेरअ ताल्है इहअ करना लै बोल़णैंओ मकसद आसा इहअ कि तम्हैं विश्वासी करै एकी-दुजै संघै भली सोर शुचै मन्‍नैं पूरै भरोस्सै डाही झ़ूरी।

ऐबै ज़हा राज़ै सदा राज़ करनअ, ज़ुंण सदा रहणअ ज़िऊंदअ, ज़हा कोहै निं भाल़ी सकदअ सह एक्‍कै ई आसा परमेशर अर तेऊ परमेशरो अदर, प्रतप्प लोल़ी जुगै-जुगै हुअ। एवमस्तू।

हाम्हां का आसा थोघ कि मोसा गूरे बधानो मकसद निं तिन्‍नां लै आथी ज़ुंण भलअ करा। अह आसा तिन्‍नां लै ज़ुंण परमेशरे द्रोही आसा, ज़ुंण परमेशरे बधाना नांईं मंदै अर कबल्‍लै पाप करा, ज़ुंण कदुष्ट मणछ आसा, ज़ुंण परमेशरो अदर निं करदै अर ज़ुंण आपणैं ईज-बाब अर होरी मारी पाआ। तिन्‍नां लै बी आसा बधान ज़ुंण कंज़रै आसा, मर्धे देही झ़ूरनै आल़ै, मणछ च़ोरी करै गलामी लै बेच़णैं आल़ै लै, झ़ुठअ बोल़णैं आल़ै अर ज़ुंण शुचै बोल़णें सोह खाई करै बी झ़ुठअ बोला अर इना छ़ाडी तिन्‍नां लै बी ज़ुंण शुची शिक्षे खलाफ आसा।