Ayat-ayat Alkitab Ternama dari ROMA 2

Tàka nyimi dimi angu dedi iwunda-mbuduhai dimi nu da pa-panjala wàminja da tau hawiangu! Tàka la kanandingu-mi, jia hinggilu-mikaka welingu la hukungu-na i Ala? Jàka ndia hi pa-halela bia-minya nu na màja etina i Ala dàngu na muluru etina hamangui na lerangu etina na mabundu làndangu? Tàka làti jiangu-ma bai pinya, keha ka dapanji-lungu welingu la njalada ba wàna duna làti i Ala hi kiri paloha-nanya nu na hàmu etina.

Jia ba tuna dimi angu dedi ka nggàra-makauka nu hiu panjala tau hawiangu? Nda nggàra-a maningu-nggau la papamà-nangu wàngu wikimu! Nadu jàkau panjala tau hawiangu, tàka làti wàmu hi wunda bidua-munyai dumu na ma-hamangu, nu rata dumu-nyaka hukungu nduma wiki-mbumu.

Nadu ba nda ningua duna njinjina na pawu-ndana i Ala la mbuu ndàbana na tauka.

Nadu hi da-pahàmungu beli na tau dàngu i Ala, nda jia-aya ba ruku pinanya na uku anggama Yahundi; tàka jiaya ba na-pahàra-nya duna jàka nggàraya daa na maninya la uku.

Nadu ba na-palimba-nya nimbihu-na na tau i Ala nunjuya na pawunda-na.

Na nyuna da tau da ma-kehangu kangeha wikida dàngu da manda karadaku-nya i Ala, tàka hi tundu ni bia-danyai na ma-akatu, jiaha da tau nuda da pahàngga halawàla-na i Ala.

Tàka hi malihu bia-minyai dàngu hi ndai bihu pa-panjilungu. Jia ba tuna, nyimi wiki-maka dimi ma-pawiti-nya hi na-parukangu pambotu na hukungu-mi la Lodu Hupu Njàpuna, ba na-paloha-nya na hànggana i Ala, ba nawàngu molana ba narata hukungu.