Ayat-ayat Alkitab Ternama dari MARAKUT 6

Bagikan

Mbininogo yori wogo mbareegwa, aakumi ambik at ka nogwe-wogwe eekwi me, mbi noorak meek age mbareegi, at Yetut nogo nen, ”Yanggonggolaawok nduk, ninalik aakumi lek me nawok nen woraanip o,”

Ineebi mbako mbareegwa, at Yetut nen, ”It aap Ala wone yorogo menggaarak ti, yi awi ndi awi nen konenggo menggaarak kwe, inawi alom paga inuwe-inawot inom, inom menggaarak mendek inom, inenggela'me logonet, Ala wone yorogwe iinok inaruk liirogon konenggulik o,” yinuk, yoragagerak.

At Yetut oone waganggwi inom yiiro paga nen yi aa'nggi paga wundi nogo nogogwaarik, wam ndomba inarum wonogwe lek me, wam mban kuwak aago mengga kwak, it aakumi ambik togop kuwak aago iige nagagirik, ”Inabuwa o,” mba'nuk, yi wone ndi wone mamunirage nagagerak.

Yorage nagagirik, eerubok mendek time eeriyak meek kagak, ambiitak-ambiitak kugi andi me inanobak eenggi pippiinok, obeelom eeginabeegerak. Ndi, at Yetut nen it iniki at oba panggombunuk abet ombaka'lek iige nagagirik, ”Aakumi iya!” yinuk, inombareegerak. O tini lombok yanggwagak-ndanggwagak nege nagagirik

Kwi'narit nogo mbareegwa, at Yetut nogo nen roti mbi 5 inom, ndi, ikan 2 inom wappunuk, ena mbogut paga ni'nage nagagirik, ”Nogoba Ala wa!” yinuk, roti mbi karerogo aakumi nogo tumburiraawak nduk, at oone waganggwi nogo wogoragagerak. Wogorage nagagirik, ikan 2 waganogo abok aret nawak nduk, tumburiragagerak. Tumburirage mbareegi, it nogo abok nonggo nogogwaarik, ndonggoppiyareegerak. Ndonggoppiige mbareegi, mbi inom, ikan inom, ando ndiinogo pereegwaarak nogo, mbirin yum 12 paga eno korok togon yonggologo pereegwaarak.