Ayat-ayat Alkitab Ternama dari Matias 9

Bagikan

Dadi Yesus 'o kanau Tai me-mete'e, “Ngowa-ngowa'a nena-ne ma tero sa'olo guḏa ma hasili lai lamo'o 'i 'utu'u nyangu, mada'a ngowa'a 'utu-'utu'u 'u 'aḏi repe ua. Sababu gena-ge, ngini ni golo'o toma guḏa ma dutu, la Unanga 'o siḏingoto ngowa'a 'utu-'utu'u di'a ya lomu guḏa ma hasili.”

So'o gena ḏi'i, Ngoi to sapolo ua di'a 'aro'o ngowa'a loasa re banari mada'a to sapolo di'a 'aro'o ngowa'a baraḏosa. Dadi ngini ni disa waro toma Boku 'Ofi-'Ofi ma dara bu-bula'a nena-ne ma ngale: ‘Ngoi to mau ngowa'a 'aḏi sijumu manga 'akala re sinyingara ma la-la toma ngowa'a lelegu, awa pa'i 'aḏi pula'a jou-jou haiwani ra Ngoi!’ ”

Wakutu Yesus 'o oḏi'i ngowa'a repe Tai 'akala re sinyingara ma dara 'i baolo dadalara, sababu ananga manga susa re sangisara ma repe re ya riono manga diri nga'unu ua. Ananga gena-ge ma tero sa'olo doba kama sowohi ua.

Yesus 'a 'isene so'o gena re 'O kanau, “Ngowa'a kamanga si-siḏi ua 'aḏi paralu dotere ua. Pa'i ngowa'a remanga si-siḏi ḇato, ananga 'aḏi paralu dotere.

Yesus 'o tagi 'o tuḏu limau-limau, re gamu-gamu toma daeraha sitabi donga. Unanga 'o doto'o toma wala-wala puji re singadolo Habari Roanga mangale Soroga ma Pareta. Unanga 'o si-la ngowa-ngowa'a mo-moini remanga si-siḏi ma rupa 'oru ḇato.