Ayat-ayat Alkitab Ternama dari Mitengo 21

Bagikan

Se MKOMA a to xamula, a txi khene ka Mosi: Maha mnyoka wo tura, u wu hayeka ha phandeni, ti to ngako m'thu a txi lumwa ngu mnyoka, e wonetela mnyoka wa msuku, kasi a na hanya.

Se Mosi a to maha mnyoka wa msuku a txi wu hayeka ha phandeni: Se toneto ti to maha taku ngako m'thu a txi lumwa ngu mnyoka e wonetela mnyoka wa msuku e hanya.

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Sekoko MKOMA a to rumela minyoka yo leva, ni wuxungu, yi ta lumetela vathu, eho kufite vanana va ka Israyeli.

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote MKOMA, ni nawe; ngu mhaka ya eto, awe hi kombelele ka MKOMA tito, a txi thavisa minyoka yiya hagari kwathu. Koneko Mosi a to kombelela vathu.