Ayat-ayat Alkitab Ternama dari Éxodo 31

Bagikan

— ¡Moisés a̧ja̧kwitjö! Kwömöledöso̧ Bezaleel mikwo̧nö omudawö chujunijatö, ökwödötjö Judásaso jojo, Urí itji̧, ja̧danö Hur ö'dö̧nö. Ja̧danö, ötjö Cho̧'wo Luwo̧ma Bezaleel o̧'wo̧ luwo̧nö pjabatö öibobe, o̧do otikwa jawa jwiinö otiwanö otido̧ baibanö, ja̧danö o̧do okwa jawa otikwabi. Ju'wi jawa, ju'wi jawabi o̧do otikwa jawa okobe jwiinö waisö otiwanö otido̧. Okobe jwiinö ja̧ otikwa, jwiinö otiwi̧ jawa omukwatö ujunobö öbibö pjabato̧ Cho̧'wo Luwo̧ma jo̧banöma, orotjöbi, platatjöbi, broncetjöbi, jwiinö otiwanö otidobö. Ja̧danö, inawiya oledö, ikenama ja̧ oledaja̧ inawiyama orotjö otikwa ötebiyanö pöchö, ja̧ otikwa öwaisobö öbibö pjabato̧ Cho̧'wo̧ Luwo̧ma, Bezaleel o̧'wo̧ luwo̧nö. Ja̧danö, towitjö 'dȩbö otikwabi jwiinö öwaisobö öbibö pjabato̧ ötjö Cho̧'wo̧ Luwo̧ma. Ja̧danö, ju'wi jawa, ju'wi jawabi otikwa öwaisobö öbibö pjabato̧ Cho̧'wo̧ Luwo̧ma Bezaleelnö.

—Moisés weköbo Israel jojodönö ötjö weti̧danö a̧ja̧kwö tjotidoko otikwö̧kö̧ mölȩma. Ja̧danö, ökwödö babe ju̧kwadöbi, ökwödötjö tupadanö jojodöbi jejenö a̧ja̧kwö kwö̧jaduwobö jo̧be, otikwö̧kö̧ mölȩ otidökönö. Ja̧ mölȩ otidökönö kwö̧jaduwobetjö̧ kwöwaisachibaduwakobe, ökwödöma Isabenö Jo̧ wainö ujuninawö̧sa, ja̧danö, jo̧ba weina a̧ja̧kwadösa, jö̧ba̧lö.

Jejenö jelemutjö dötölataja mölȩ baibena kwö'wachaduwobetjö̧ kwi̧sekwaduwakobe, Isabenö Jo̧ ö'wachinadanö ö'wachadösa, iteda wei̧danö, jö̧ba̧lö. Jao chömöledö, jelemutjö bakwöta mölȩ chotidijatö böjȩbi mölöjȩbi. Ikenama, chotidawatjö okobe jwiinö katatakwawajabetjö̧ ju'wi dewachö möle, jelemutjö dötölataja mölema chö'wachijatö, otidökönö. Cho'wonö emawö̧, otiwa jö̧ba̧lö, chö'wachijatö. — jejenö yöba̧lijetö Isabenö Jo̧ma Moisésnö, jobetjö Sinai mö'ösa'onö.