Ayat-ayat Alkitab Ternama dari Deuteronomio 5

Bagikan

—Tupakwö weinobe Diosma chömöledö: –Ötjö kwuluwo̧duwi Isabenö Jo̧ Dios ökwödönö wetinadanö, Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo, lekwe wene jwiinö kwuju̧kwaduwakobetjö̧ niji chiyakwemi nijinö, ötjö kwuluwo̧duwi Isabenö Jo̧ Dios kwiteboduwi baibanö chiyakwemima.

—Jobekwö baledinobe chömöledö, mösa'otjö Dios iwene ökwöi̧ kwa̧ja̧kwadwuwenama. Jo̧kwajabetjö̧ isabenö yöka̧linaduwadanö kwuluwo̧duwi weina ja̧bö kwö̧jaduwobö jo̧be chömöledö, teada̧lönö kwö̧jaduwo, jwaikwöda kwuluwo̧duwi Isabenö Jo̧ Dios weina ja̧bö kwöjaduwakobetjö. Wanedö yötawa chömöledö, kwuluwo̧duwi Isabenö Jo̧ Dios ökwödönö wei̧ma: Mana öninobe, jweinö önina mananöda kwekachaduwobö, jo̧kwajabetjö̧ jweinö ja̧ma mananöda kwekachaduwobö jo̧be, kwöwaisobekwöchobebi, wajwiköbobekwöchobebi jalachibökönö. Jweinö Dios önina mananö kwi̧'yaduwobö jo̧be, debö kwi̧'yaduwapji jö̧ba̧lö, ja̧danö lekwe möle wene jwiinö Dios iyakwa̧ kwiteboduwinö kwö̧jaduwakobetjö̧, —jö̧ba̧lö yöawinobe Moisesma, israel jojodönö.

La'akatjöda o̧'wo jawa bȩbachibö kwösödaduwoböma jwiobe, baikwö yötawa: Ötjödasa Isabenö Jo̧ Diosma, ja̧danö kwösödaduwi̧ a̧'delo̧sa, ötjönöda kwösödaduwo jö̧ba̧lö. Ju'wibi isabenö lȩbebo̧sa, baikwö yötawa: Ötjönö öpöjödadönö isabenö lȩbebo̧sa̧, öpöjödadönöbi, tji̧tji̧munöbi, tjö̧'dödönöbi, tjö̧'dö̧dö tji̧tji̧munöbi lȩbebo̧sa, tja'dödö ötjönö tjöpöjödobetjö̧. Jo̧kwaijayonö ötjönö öpöjödadönö lȩtebijayonö, jwaikwöda ösödö pjabato̧sa, ötjönö ösödö, weti̧danö ja̧bö ju̧kwadönöma. Jau, isabenö jobadönö pjabato̧sa, baikwö yötawa, ötjönö ösödadönöbi, tjitji̧munöbi, tjö̧'dö̧dönöbi, tupakwö bajalenö la'akatjöda 'dö̧jibajökenanö jobadönö pjatatakwo̧sa, tja'döma ötjönö ösödö weti̧ a̧ja̧kwö ö̧jinobetjö̧.

–Ökwödöma o̧'wo jawa kwotidaduwoko, kwösödaduwoböma, mölejebe ju̧kwadötjö jelo̧ o̧'wo jawabi, bö̧jenö ju̧kwadötjö jelo̧ o̧'wo jawabi, ojwenö ju̧kwadötjö bakwo̧ o̧'wo jawabi otidö kwösödaduwoko.

Ötjödasa kwösödaduwo jö̧ka̧laduwökwema, jelo̧ tjösödökwe bakwo̧nöbi kwösödaduwoko.

–Ja̧danö, ju'wibi wetaduwakwö: Ötjö kwuluwo̧duwi Isabenö Jo̧ Dios chimima sulabenö omukwatö yöka̧laduwoko. Ötjö Isabenö Jo̧ma, chimi sulabenö omukwatö yöba̧lo̧nö lȩtebakwo̧sa.

Isabenö yöta̧lakwö, babe yebabinö tjo̧mukwati̧danö ba̧kwelöjatebö ötjönö yebabinö omukwatö, weti̧ ja̧bö tjö̧jobö tjomukwatitjö̧ma, isabenö jwiinö otiwo jö̧a̧lena, ba̧kwelöjatebö jejenö tjomukwatowe. Ba̧kwelöjatebö jejenö omukwatö tjö̧jitjö̧ma, jobadöbi tji̧tji̧mu tupadanö jojodöbi ba̧kwelöjateböda otiwanö tjö̧jo jö̧tja̧lena. Otiwanö omukwatö yötja̧lajabe Moises.

–Ja̧danö ju'wibi wetaduwakwö: Ötjö kwuluwo̧duwi Isabenö Jo̧ Diosma wainö 'da̧batö chujunajabe otikwökö mölema, Ja̧ möle kwotidaduwoko, jö̧ba̧lö. Jo̧kwajabetjö̧ wetinadanö ja̧ möle wainö 'da̧batö kwujunaduwo, Duluwo̧ Dios wei̧ a̧ja̧kwö dö̧jaduwo, jö̧ba̧lö.

–Ja̧danö ju'wibi wetaduwakwö: Kwömöledöso̧ ilekwonö ösödöma kwomukwataduwoko, Jo̧ba ilekwonö ötjöda chujuna̧lowe, jö̧ba̧lö. Ju'wibi, kwömöledöso̧ ejubi, öbatjobi, ömöayedönöbi, ajwi̧mu pakayadönöbi, bu̧lu̧dönöbi, ju'wi jaye ujuna̧litjöbi ösödö kwomukwataduwoko, Ötjöda chömöledöso̧ ujuna̧li̧ chujuna̧lowe, jö̧ba̧lö –weinobe Diosma.

–Ja̧danö ju'wibi wetaduwakwö: Ju'wedö tji̧lekwamukwö sulabenö kwö̧jaduwoko.

–Ja̧danö ju'wibi wetaduwakwö: Kwömöledöso̧nö omöna yöka̧laduwoko, sulabenö ja̧ököjayonö, Bitema sulabenö ja̧bo̧, jö̧ba̧lö.

–Ja̧danö, ju'wibi wetaduwakwö: Jojodönö kwabö loköbaduwoko.

–Ja̧danö ju'wibi wetaduwakwö: Kwönaukwaduwoko.

Jobadö babe kwömöayedö tjö̧ji̧danö, damötjö̧ ökwödöbi Egipto jojodö tjömöayedö kwö̧jinaduwobe, usula emawö. Jo̧kwaijayonö tjömöayedö kwö̧jinaduwelö, kwuluwo̧duwi Isabenö Jo̧ Diosma, iteda inesö ujulunö ökwödönö labebö, baikwö ichejebinobe. Jo̧kwajabetjö̧, jejenöobetjö̧, okobe deinö ökwödöbi, kwömöayedöduwibi otikwökö möle otidökönö kwö̧jaduwobö jo̧be.

Jau, jelemutjö bakwöta möle baledibanö, okobe jwiinö kwotidaduwo jö̧ka̧laduwi̧ kwotidaduwobö jo̧be. Jo̧kwaijayonö, jelemutjö̧ dötölataja mölema kwotidaduwobö jwiobe. Ja̧ otikwökö mölema, otidökönö ötjö kwuluwo̧duwi Isabenö Jo̧ Diosnö kwomukwataduwobö ji̧ möle, jo̧kwajabetjö̧ ja̧ möle kwotidaduwobö jwiobe. Jau, ökwödöbi, kwitji̧muduwibi, kwömöayedöbi, kwotidaduwobö jwiobe, ja̧danö ju'wibi ja̧ möle kwajwimu pa̧ka̧yadöbi, bu̧lu̧döbi, ju'wedö kwa̧jwi̧mubi tjotidobö jwiobe, ja̧danö israel jojodöböködö, jelobetjö ichajadö kwiteboduwinö ju̧kwadöbi tjotidobö jwiobe otikwökö mölema, –jö̧ba̧lö weinobe. Jau chömöledö, kwömöayedö ömadöbi, ya̧döbi otidökönö ja̧ möle tjö'wachobö jo̧be, baikwö yötawa

–Ötjöma kwösödaduwökwe Isabenö Jo̧ Diossa, usula emawö tjömöayedö kwö̧jinaduwelö Egiptotjö labebö ichejebinasa.