Ayat-ayat Alkitab Ternama dari Yohane 17

Bagikan

Feemɔ amɛ krɔŋkrɔŋ yɛ anɔkwale lɛ mli; owiemɔ lɛ anɔkwaleŋ.

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

“Shi jeee mɛnɛɛmɛi kɛkɛ mibiɔ mahã, shi miibi mahã mɛi ni baahe minɔ aye yɛ amɛwiemɔ naa lɛ hu; bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Mibiii akɛ ojie amɛ kɛjɛ je lɛ mli, shi moŋ akɛ ojie amɛ kɛjɛ mɔ fɔŋ lɛ dɛŋ ni oto amɛ shweshweeshwe.

Ni anunyam ni okɛhã mi lɛ, mikɛhã amɛ, koni amɛfee ekome tamɔ bɔ ni wɔ hu wɔyɔɔ ekome lɛ. Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.