Ayat-ayat Alkitab Ternama dari Matius 8

Bagikan

Trus Yesus bilang sama dorang, “Knapa kam takut skali? Kam kurang percaya Saya!” Trus Yesus bediri baru printa angin deng danau itu tenang, begini danau tu jadi tedu skali.

Tapi perwira itu de jawab, “Bapa, sa ni tra pantas trima Bapa di sa pu ruma, bicara satu kata saja, pasti sa pu pesuru sembu.

Dengar begitu, Yesus heran trus bicara ke dong yang ikut Dia, “Yang Sa bilang ini benar: Sa blum perna ketemu orang yang percaya skali sperti ini, biar mo itu di tenga orang Israel.

Trus Yesus bilang ke perwira itu begini, “Bapa pulang suda, yang bapa percaya itu su jadi.” Waktu itu juga de pu pesuru itu langsung sembu.

Yesus pu murid-murid heran baru baku tanya, “De ni orang macam apa ka, sampe angin deng danau juga ikut yang De bilang?”