1
Emiighom 4:7
Ạḍinya Iigbia
ẠḌI
Mụghumo nạ uḍighi ni ịdi ẹnighe, mịna nyịna mụ́seph ḍụghum? Kụ ọlo eru mạar dị ịpe nạ aḍighi bọ ị́nighe, pọ ịkaraph ẹḅona ni sịphe eghuugh phọ ạna, rẹwa ni ọtooghi ọngo ạna, kụ ọlo kụruru ni ạkpar apu nyọdi.
Bandingkan
Telusuri Emiighom 4:7
2
Emiighom 4:26
ẠSet ạmar mọony kụ aghol ḍien ọony phọ mọ Enos. Pọ kụ amem dị awe omiigh ọmagh ghan aḍien Ọmoogh-we iigbia phọ mem ịiḅereghi.
Telusuri Emiighom 4:26
3
Emiighom 4:9
Kụ Ọmoogh-we phọ apuru Ken mọ, “Ebel umor phọ ạna odi ẹghen?” Ọdi ạphagharanaan mọ, “Mị úlegheri. Mịna kụ okoriom umor phọ ạmi ḍụghum?”
Telusuri Emiighom 4:9
4
Emiighom 4:10
Kụ Ọmoogh-we phọ ạḅeni nyọdi mọ, “Uḍighi ika kụ nạ aḍighi bọ ugbini ugbini phọ? Ịḅaal umor phọ ạna ezuan bọ sịphe ade phọ memoghi ịteeny ịmi regbeela ẹmhu.
Telusuri Emiighom 4:10
5
Emiighom 4:15
Kụ ọlo Ọmoogh-we phọ ạphagharanaan mọ, “Kéḍighi ịdipho. Oye lọ aghiigh nyịna, oḍual ạrumhu awe ọdi kụ ẹdi kọsighe esi oḅulemian.” Kụ Ọmoogh-we phọ ạlogh elegh ghisigh aKen ọbo oye lọ ạmiin nyọdi kakiigh ghan bọ.
Telusuri Emiighom 4:15
Beranda
Alkitab
Rencana
Video