Ayat-ayat Alkitab Ternama dari 1 Коринфянэнгэ 3

Bagikan

Тумэ́ джинэ́на, со тумэ́ сан Дэвлэ́скири Кхангири́, и со Дэвлэ́скиро Ду́хо (Фа́но) дживэ́ла дрэ тумэ́ндэ.

Палдава́ ние́кх ману́ш на могинэ́ла тэ чхувэ́л яви́р духовно фунда́менто апри́ч одолэ́стэ, саво́ исын Ису́со Христо́со ваш кхангири́ пир саро́ свэ́то.

Палдава́, кон чхудя́ дрэ пхув, кон панякирдя, дава́ нисо́ на мол, а саро́ джа́ла Дэвлэ́стыр, Кон дыя́ прибарипэн.

Пал-дова́ со амэ кхэтанэ́ кэра́са буты́ ваш Дэвлэ́скэ, а тумэ́, сан Дэвлэ́скири фэ́лда, Дэвлэ́скиро Кхэр.

тэды кажно манушэскири буты́ сыкадёла дро Христосо́скиро дывэ́с, пал-дова́ со яг сыкавэ́ла саро́, и яг спробинэла кажно буты́, сави́ ёй исын.

Нэ кон чхудя́ дрэ пхув, и кон панякирдя-дава́ усае́кх, а кажно дорэсэ́ла (долэла) отдыибэ́н пир пэ́скири буты́.

Мэк ние́кх тэ на хохавэ́л кокоро́ пэс; ко́ли вари-кон думинэ́ла пэ́скэ, со ёв исын годьваро́ машки́р тумэ́ндэ пир дава́ свэтоскиро годьварипэн, тэды мэк адава́ ману́ш тэ ячэ́л дылынэса, соб (кай) ёв могинэлас тэ явэ́л годьварэса.