Ayat-ayat Alkitab Ternama dari Avakumo 3

Bagikan

Kóli i inžyritko drévo (kašt), xači, na javéla te luludjol (te cvecinel), i na javéna múri pe vinagradýtka xrústy; kóli maslinitkone barjatyr na javéla ničý, i pe féldy na vybarjola nisó; kóli stády bakréngire xasjona javrí gražostyr (zagonostyr), i na javéna kherítka stády dre štaly, ne me usajékh drieván javáva te radynavpe Rástyr-Devléstyr, i me javáva te radynavpe Devléstyr, Savó zrakhéla man.

Rástyr-Devléstyr lélape mirí zor, i Jov keréla miré ĥerendyr sýrby olienjoskire sygna ĥerá i Jov ĥazdéla man te psirav pir miré vučé bérgicy. (Xoróskire Dirižoróske pe balytka strumiénty).

Rajo Dévla! Me šundjom Tyrí zan i darandyjom. Rajo Dévla! Ker nevéstyr Tyré réndy dro amaré časy, ker adiáke, sob (kaj) te džinén tyré réndy maškirál amaré časy. Na dykhí pe dová, so Tu xoliasyjan pe aménde, sykáv Tyrí láska.