Ayat-ayat Alkitab Ternama dari Roma 6

Bagikan

Pedeo dimii gaawoo, pedeo agiyoo ukuwawoo setaa to mokoo da mee ko mée boota kaama wigintaayaa. Kiya Ogatamee me aii mée yaekeata agiyoo mee gaayu ko inii epoo Mée Tuhan Kristus Yesus ma dimi aagadi-maagadi naadi kisee too iminoo miya, iminoo miya toogee siwoo siyaa kuwa.

Mikee, idukaa ikii ko Musa me menaa ma aagadi seta bagee kiya eto ko ikii Ogatamee me epaa mee ma aagadi siyaa bagee yuwa. Kisee kemaata eto kaama wodoo ikii pedeo iyee kaa umiwoo siyaa pesee da kaa se umiwoo, toowoo siyaa.

Kisee kemaata inii uwo tukumeta kaboo inii Kristus ma epo enaataa boota kaama ogo maataayaa mokoo. Mee ko Nagamee Wa me asii-sege see pesee da mee me Kristus Waa boota kaama aya andoo peeyaata see see mokoo eto inii miya gipii see dimii kaa too daamaa umiwoo, toowoosi naadi inii Waa ma epo enaataa boota kaama ogo maataamea.

Ikii me maa to kaa takumeta agiyoo kuwa me pedeo agiyoo se ukuwaai. Ikii koopoo see agiyoo ukuwaano see naadi ekaato ekegatagaakee se kiya ikii ekaato Ogatamee paagoo daamaa ekega-manee siwoo taai. Ikii ko boota kaama aya andoo kipeeyaata bagee mokoo yoka ikii me maa to kaa takumeta agiyoo yuwa me mikee topoo see agiyoo kuwa too ukuwaano see naadi ikii ekaato Wa paagoo ekegatagaa siwoo taai.

Inii me idukaa iyee kuwa me inii pedeo dimii gaawoo, pedeo agiyoo ukuwawoo, kisee umiwoosi naadi pesee da ma aagadi siwoo seta bagee yuwa kedaa seta. Inii kisee pedeo see iyee kaa umiwoo siyaa pesee da mee taa kisi naadi inii Waa ma aagadi-maagadi naadi epo enaataa piya bokoo to kaa boota, see kuwa inii ipi.

Mee mokoo miya eto ko ikii me gaawoo see dimii mee ko kisee: "Ni me pedeo dimii, pedeo menaa kuwa booyaata kemaata kaama anii Kristus Yesus ma aagadi-maagadi naadi Ogatamee ma dimii menaa kaa too umiwoo, toowoo taapa" see dimii mee gaawoo taai.

Wa me mée epa dimii mee ebo kedaa seta kemaata inii mapea menaa wegayaa? "Ogatamee me mée epa dimii mee bedaa ebo kedaa siwoosi naadi inii pedeo agiyoo ukuwagee taano daamaa" see menaa kuwa wegayaa ye? Kisee menaa kuwa peenaa ma taa, iyo. Inii ko kuwa pedeo dimii, pedeo menaa kuwa booyaata bagee yoka inii kaasee kaa kisee pedeo dimii kaa toowoo siyaa?

Daamaa nekeenii: Mée me agiyoo yaokagee see bagee gaayu ko okoo me eboo wa me agiyoo too daamaa yaukuwaano see naadi wa paagoo too ekaato ekegataayaa, wa me menaa too yayeesi naadi okoo peneata bagee mokoo. Mee mokoo miya ikii pedeo agiyoo ukuwaano see naadi ikii ekaato ekega-manee siyu ko ikii kipeneata kaama mée bogaano yaato badaa kimaayaa. Kiya ikii Ogatamee me menaa daamaa yayiino see naadi ekaato Wa paagoo ekega-manee siyu ko ikii mikee topoo see bagee toogee taano yaato daamaa badaa kimaayaa, see menaa kuwa ikii ewo ye?

Kiya Ogatamee mee kiiboo, paamee. Idukaa ikii ko pedeo agiyoo too ukuwageesea naadi kipeneata bagee kiya eto ko kuwa ikii kitupiwoo seta menaa kuwa ikii dimi yiba maamaa peneata yayeewookea yoka inii paamee dimii mee ebo. Idukaa ikii ko pedeo ukuwawoo, umiwoosea naadi kipeneata bagee yuwa kiya eto ko ikii daba kipekageeta kaama mikee topoo see agiyoo daamaa yaukuwawoo, umiwoosea naadi kipeneata bagee yuwa kegea.