Ayat-ayat Alkitab Ternama dari Roma 13

Bagikan

Ikii kuwa uduma ekeata kaama Tuhan Yesus Kristus Wa me iyee kuwa doka maayaa mokoo daamaa maatagaai, magaa da kaa bagee me ou dimi-pami kuwa ou se gaai.

Ikii me okaayoo yuwa kuwa yakadiino gaano pedeo kiya okaayoo ena mee si yakademaayaa, mee ko epa aagaa taano mee. Mée epa gaataa see bagee kuwa gaayu ko Musa me menaa kuwa uduma miya okoo sikii, okoo daamaa yaukuwataata mokoo see bagee kiyaa yoka ikii miya kisee too epa aagaa taano gaano pedeo.

Ikii mée gakata kuwa magaa da kaa ebo tookee bagee yuwa paagoo ikii ekaato dimi peedi ekee taano gaano pedeo. Mee ko kuwa pesee yago bagee kuwa Ogatamee me too tuyaata, apanaa Wa me ebo tuyaano taa bagee taa, kuwa uduma Wa me too ebo tuyaata.

Daatooyiba yaato taa keepeasiino see kooka, bedaa egapi yaato kuwa awiino see koo taaka yoka digiyoo yaato ukuwanaa siyaa agiyoo kuwa niiekeasii, egapi yaato bagee me maanaa siyaa agiyoo yuwa kuwa niimagaai. Yape kaa toopusi naadi maayaa agiyoo kuwa see see niimaatagaa siwoo taai.

Mée epa kaano mee ko mée si yapedeo kiyaayaa yoka mée epa gaayaa bagee gaayu ko Musa me menaa uduma miya okoo sikii, daamaa yaukuwataata mokoo see deeyaa.

Okoo ikii me kisee maniino gaano pedeo bagee uduma paagoo daamaa manii. Mee ko okoo pajak kepee maniino gaano pedeo bagee kuwa okoo paagoo daamaa manii. Okoo paagoo ekaato dimi peedi ekeasiino gaano pedeo bagee kuwa okoo paagoo dimi peedi ekee taai. Bedaa okoo ebo ekeasiino gaano pedeo bagee kuwa okoo ebo ekee taai.