Ayat-ayat Alkitab Ternama dari Jɔ̀ɔŋ 4

Bagikan

Wo Dayà yaà wo Jinàŋ, yèè aŋ yè nyaŋ zoolàùŋ nyaŋ kuwa auŋ zoolò e gààŋ wo Jinàaŋ sùà yaà e tɔ̀ɔ̀nyaàŋ sùà.”

Kɛɛ e teenga kòò è yaà hinie, e kìlà kòò è yaà naàŋ kià tɛ! Wo Jinàaŋ do nàŋ nyɛ̀nɛ̀ŋ anyuùŋ zòòlò Dayà kɛnɛ nyàŋ aŋ zòòlò Dayà e tɔ̀ɔ̀nyaàŋ sùà.

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Wo Jisɛ̀ naŋ wòò wo nìeɔ̀ wààŋ, “Sèè maŋ weè nyìmàŋ e nɛ̀ɛŋ wo Dayà kiɛ̀ŋ anyùùŋ lɛ, yèè miàim wo nyùnɔ̀ɔŋ yààùm daawe wèè e wuiyè tìa wɔ̀, mùŋ heuŋ nàŋ dawè, yèè wò heum nàŋ kìɛ̀ŋ e wùìyèɛ e yèɛ kiɛ̀ŋ wo nyùùŋ wɔŋ nyiiŋ gèe gò jùà lɛ.”

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Wo nìeɔ̀ naŋ woò wààŋ, “Dàa, muŋ kuwà wɔ̀ŋ fali tìwìyà è wùìyè, e kìlà ngèè wɔŋ gòòmamàìɔ naŋ zutùùŋ. Kòò mùŋ do nàŋ gè e wuiyè kìɛ̀ŋ wɔŋ nyiiŋ gèe gò jùà lɛɛ̀?

Wo nìeɔ̀ naŋ wòò wo Jisɛ̀ wààŋ, “Kà nyìmàŋ kɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ kòò wò yaà hinie. Sèè wò hnàŋ, wò do wi nàŋ kpìnìè maŋ keì maŋ gbiŋ janjai.” Wo Jisɛ̀ naŋ wòò wo nìeɔ̀ wààŋ, “Miàŋ nàŋ yaà wo nyùùŋ bi, miàim wo yèɔ yààùm naàŋ gbùùyè kɔɔ sààmɛ wɔ̀.”

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”