Ayat-ayat Alkitab Ternama dari Galatians 5

Bagikan

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes, gentolness and to kontrol awasef. Di law nor dey against all dis tins.

I tell una, make una let di Spirit direct una life and una nor go do wetin di flesh wont.

If di Holy Spirit dey inside us, den make wi dey live awa life as di Holy Spirit wont.

Pipol wey dey inside Christ don kill dia flesh with all di bad tins wey di flesh dey like to do.

Na di tins wey di flesh dey do bi dis: To sleep with pesin wey yu nor marry; to get bad mind; to opress pipol; to dey serve juju; dey do majik; kworel-kworel life; fighty-fighty; jealousy; anyhow vexnashon; long-trot; tins wey dey skata pipol; bad belle; killi-killi; to dey drink anyhow and dey do oda tins like all dis ones. I dey warn una naw as I don warn una before sey, pipol wey dey do dis kind tins, nor go enter God kingdom!

My brodas and sistas, God don koll una make una dey free; but make una nor use di freedom wey God give una anyhow, instead make una love each oda.

Bikos di tins wey di body like, difren from wetin di Spirit like and wetin di Spirit wont, nor dey gri with wetin di flesh wont.

Bikos if dem add di whole law togeda, dem go kon bi one kommandment wey sey, “Make yu love yor neighbour as yu love yorsef.”

Make wi nor dey karry body up and dey do wetin go vex pipol or dey jealous one anoda.

Make una nor dey karry load for head like slave again, but make una stand strong for groun, bikos Christ don make us free.