Ayat-ayat Alkitab Ternama dari AMatiyu 5

Bagikan

Vit anet fɛ́ a ta kurong na agaramun, na ma fam iko na katsereng. Ikyɛng fɛ́ ba nye yet, ba saas iko narɔ kagarang, ni ku nesek kaangan mgbey ari me. I se kpaf anɔng, won mgbey yin ni in ron nate banet, nɔng ba bin di ntomong yin ntek, nɔng ba bin di tere Ada yin fɛ́ a se azanɛn.

“Iyin ba i yet yin mgbey azatse. Kuwɔp fi ku se ni igung, ba kyem ba nɛt iko awo.

Awɛng se gung na bayɔng fɛ́ ayɛ ba se cɛ́l, nek ba bi di Adakunom.

Awɛng se gung na bayɔng fɛ́ ba foos izong, ni iyɛ ingash ira atsak, nek Adakunom bi ka ba nesek ihwyas.

Awɛt imi tsin fɛ̀ ni yin: Shim yin bafi ifa yin, ras yin bayɔng fɛ́ ba ki nesek yin iyɔm awon

“Awɛng se gung na bayɔng fɛ́ ba yet bakan na abik, nek ba mi sot bafi igwɔm azanɛn.

Awɛng se gung na bayɔng fɛ́ ba monoso kusonong kukyang, nek ba bi ka ba yes nnon Adakunom.

Awɛng se gung na bayɔng fɛ́ ba bɛ̀ kafa kawe, nek Adakunom bi ka ba men ayɛ.

Awɛng se gung na bayɔng fɛ́ ba ka ba nesek iyɔm nek kusot atsak, nek ba mi sot bafi igwɔm azanɛn.

Awɛng se gung na bayɔng fɛ́ ba foos angmishish, nek Adakunom bi ka ba tonong angmishish bà.

“Awɛng se gung ni iyin ni izen fɛ́ banet ki tosong yin, na ba ki nesek yin iyɔm, na ba di bɔs nbɔs ni yin, na ba ki nyes yin nzam-nzam anyas, nek i yet yin bafi ikuus hom. Nye yin iyɛ ikan makiyi, nek izang yin yet iratek azanɛn, nek kpaf anɔng wu, fɛ́ ba kin nesek batan ashon iyɔm.

Awɛng se gung na bafi nhwyɛ, nek Adakunom bi ka ba nɔɔk kazatse.

“Iyin wu i yet yin ntɔk azatse. Awɛt ki ntɔk e wey kuta ná, nɛ anɛ fɛ́ ba da tɛ ba di te kuta ni na yɛ? In da sot vit ikyɛng fɛ́ ba da tɛ ba di nye ni ina, tit na ba nosong ina, nɛ banet shɛsh ina.

Nek anɔng, tseng yin kpaf, kyɔn tɛ Ada yin di se kpaf.

Won ‘Ey’ yin na a sot ‘Ey’, na ‘Awɛy’ yin na a sot ‘Awɛy’, ikyɛng fi i got anɔng, i ne na amaan e.

“Iyin kin mang fok yin fɛ́ ba kin fɛ̀, ‘Anet fɛ́ a tun afidang iyisi, ba da ku tun ifuu bá, ke inyi fɛ́ a tun afidang e ayi, na ba ku tun inyi bà.’ Awɛt imi tsin fɛ̀ ni yin, ke akak ki bɛ́ yin nɛ anyas, i bi ti i ku bun yin mo ni ifà wo. Ke anet akak da rus kufok iyak, ku tirik kufi imen bà.

Ki iyisi ngɔn ifi kuyak, da bɛ́s ni ikpas, kobok ide, i da barak ide atsá. Iwat gyat ni ibit abak irɔm ngɔn akak aza yɔng fɛ́ ba da barak kurɔm ngɔn ngma kusum ari irong. Ki kubɔk iyak ngɔn da bɛ́s ni ikpas ni inɛn, tɛn iko, barak iko atsá. Iwat gyat ni ibit abak irɔm ngɔn akak, aza yɔng fi kurɔm ngɔn kusum da tsi ku nɔ ari irong.