Ayat-ayat Alkitab Ternama dari Mataayi 9

Bagikan

Pe akavavʉʉla avavʉlanɨsɨvua vaake akati, “Mʉ mʉghʉnda ifiinu fimotwike, neke avanya kʉpeta vadebe. Lɨno, mʉnsʉʉme ʉnya mʉghʉnda, asuungʼhe avaanhu avange avanya kʉpeta.”

Lɨno, lʉtagha mʉkamanyɨle ʉmʉlʉvo ghwa masio agha, ‘Nilonda ʉmuunhu avisaghe nya lʉsʉngʉ kukila kuhʉmia ɨlɨtekelo,’ ʉlwakʉva ʉne nanɨlyakɨsisie kʉkʉvakemeela vano vikuvona vagholofu, looli vano vitangʼhinie kuuva vahosi.”

Ye ɨkʉlɨvona ɨlɨpʉgha ɨlya vaanhu, akavavonela ɨkɨsa, ʉlwakʉva valyale vihangajɨka, navalyale nʉ ghwa kʉvatanga, valyale hwene ngʼholo isila nʼdɨɨmi.

Neke ʉYesu ye apʉliike isio, akavavʉʉla akati, “Avakafu navifumbua kulʉta kwa mʉghanga, looli avatamu!

Pe ʉYesu akava ilʉta mʉ makaaja ghooni na mʉ fikaaja. Akava ikwingila mʉ masinagogi ghaave ivʉlanɨsia na kupʉlɨsia ɨMhola ɨNofu ɨja Vʉtwa vwa Ngʉlʉve, kange akavasosyagha avatamu inhamu saave sooni.