Ayat-ayat Alkitab Ternama dari Mataayi 21

Bagikan

Mʉngave nʉ lwɨtɨko, fyoni fino musʉʉma kwa Ngʉlʉve, hʉvɨlagha kuuti mupelua.”

ɄYesu akavamʉla akati, “Kyangʼhaani nɨkʉvavʉʉla, mʉngave nʉ lwɨtɨko, kɨsila kuuva ni nganighani, na jʉmue mʉnoghiile kuvomba sino nɨvombile kʉ mpiki ʉghʉ. Nakwekʉti ndepoonu muvomba sisisio seene, looli nambe mʉngakɨvʉʉle ɨkɨdunda ɨkɨ, ‘Kumuka, ghutaaghe mʉ nyanja,’ livombeka!

Ɨlɨpʉgha lya vaanhu vano valyalongwile na vano valyale mʉmbele mwa Yesu, vakava nɨ njegheelo ɨja lʉkeelo viiti, “Aghinwaghe ʉMwana ghwa Davɨdi! Afunyilue jʉno ikwisa mʉ lɨtavua lya Mʉtwa ʉNgʉlʉve! Aghinwaghe ʉNgʉlʉve jʉno alɨ kʉkyanya!”

ɄYesu akavavʉʉla akati, “Lɨlembilue mʉ Malembe aMɨmɨke kuuti, ‘Ɨnyumba jango jitambʉlwagha nyumba ja kufunyila.’ Neke ʉmue mʉhambwile kuuva ‘mhanga ja valyasi.’ ”

“Vavʉʉle avaanhu ava mʉ lɨkaaja ɨlya Syoni kuuti, ‘Lolagha, ʉNtwa ghwinu ikwisa, nkoola, ikwisa angaliile ɨdogovi, pakyanya pa dogovi, ɨnyaana ja dogovi.’ ”

ɄYesu akavavʉʉla kange akati, “Namwɨmbile mʉ Malembe aMɨmɨke kuuti, ‘Ɨlɨvue lɨno avajengi valyalɨkanile, lye lɨvue ɨlɨvaha ɨlya pa nguto. ɄMʉtwa ʉNgʉlʉve ghwe mwene avombile ɨlɨ, kange lya kʉdegha pamaaso ghiitu.’

“Mʉ ʉluo, nɨkʉvavʉʉla kuuti, ʉNgʉlʉve ivʉsia ʉVʉtwa vwake kʉlyʉmue na kʉkʉvapeela avaanhu va ɨɨsi isingi vano vivomba isa vughane vwake.